JÆJA!!!

Já, kannski er ekkert svo mikið að gera hjá mér. Ég er bara alltaf að horfa á videó og oft langt fram á nótt. En vitiði hvað ég fékk mér styrkingu á neglurnar mínar í gær, þær eru núna ofsa fínar!!! En ætla að fara að synda í dag, gat það ekki í gær sökum annríkis í vídjóinu. Svo er ég náttla alltaf að vinna á þessum skemmtilega tíma, frá 11-18, voða gaman... Sem betur fer þá er lokað í sjoppunni á sunnudaginn, þannig að ég fæ frídag, YEEESSS! Kannski maður fari bara á kenderý!!

Pirringur!!!

Jiii, hvað ég er pirruð. Og út af nákvæmlega engu og öllu. Engu sem skiptir máli og öllu sem skiptir máli. Argasta garg og mikill pirringur. Ég held ég verði barasta að fá mér bjór, kannski stafar allur þessi svaðalegi pirringur af bjórleysi, gæti verið. Ég held ég athugi málið..........

Bloggleysi!

Já aldrei hefði ég getað trúað því að það yrði svona mikið að gera í Paradise City. En svona er það víst. Á miðvikudaginn þá ætlaði ég svoleiðis að byrja á átakinu mínu og skellti mér í sund með Huldu. Það gekk nú ekki betur en það að ég komst ekki lengra en 250 metra og var mín dauð eftir þetta. Svo var kíkt á rúntinn um kvöldið þar sem Eydís og Zilli voru að fagna komu uppstigningardagsins, já örugglega ofsa gaman hjá þeim.
Á fimmtudaginn kíktu ég og Eydís á Blönduós í pizzu þar sem ég hafði verið svo svakalega dugleg að synda mína 250 metra. Við þurftum að bíða í KLUKKUTÍMA eftir fokk.... pizzunni og ég gat bara étið 2 sneiðar af því að Eydís bað um EXTRA ost á pizzuna, ég held þau hafi misst sig á pizzunni okkar og sett 1/2 kíló af osti á hana. Og þá var haldið heim á leið. Komum inn á Hvammstanga og rúntuðum cirka 70 kílómetra þar. Vorum að spila ofsa góða tónlist og slömmuðum mjög mikið. Seeem ég hefði betur sleppt því ég vaknaði í dag með þennan svakalega hálsríg.
Og í dag, ég skellti mér aftur í sund með Huldu eftir vinnu og ég synti heila 600 metra, rosa stolt af sjálfri mér. Hulda synti reyndar 1 kílómeter en ég segi hún hefur bara meiri æfingu en ég. Þvílíkt afrek hjá mér segi ég nú bara. En ætli maður fari ekki að skunda fljótlega í háttinn þar sem ég þarf að vinna ALLAN daginn á morgun, oohhh.......

Jamms!

Já allt að gerast á Hvammstanga núna. Hef eiginlega ekkert að segja frá. Vann í dag og er síðan búin að hanga niður á Þinghúsi meirihlutann af kveldinu... Fékk fínt kakó þar og á góðum prís, ekkert til að kvarta yfir. Nema jú ég get kvartað yfir einu.... Sundlaugin er búin að vera lokuð síðan ég kom. Þetta á nú eitthvað eftir að setja strik í megrunina hjá mér.. Það er eins gott að hún fari að opna svo maður geti nú farið að byrja á átakinu.....

Sveitasælan!!!

Já, þá er ég flutt norður. Brunaði norður á nýja bílnum mínum á föstudaginn og fór beint að vinna. Og allur laugardagurinn fór í að koma mér fyrir í herberginu. Var þar af leiðandi mjöööööög þreytt á laugardagskvöldið. Eldaði fyrst pizzu hjá mömmu og fór síðan heim og var þar alein að horfa á Eurovision. Það var fínt, fór í fótabað og sonna. Svo loks drattaðist ég til Katrínar og Hrannars. Þegar þangað kom þá var mér sagt að mér hefði líka verið boðið í mat en ég vissi það ekkert. Já var bara á fyrsta bjór þegar ég kom þangað um 12 leytið. En var mjög snögg að ná hinum í drykkju. Það voru margir orðnir frekar kenndir þegar ég kom. Annars var ég mjög ánægð með úrslitin í eurovision, fyrir utan að við hefðum alveg mátt fá aðeins fleiri stig. Þá var haldið á Þinghúsið, einhver hljómsveit að spila, alveg ágæt bara. Svo var fólk eitthvað farið að rugla saman reitum og sonna í endann..... Bara fyndið!
En í dag, haldiði að ég hafi ekki bara farið í sauðburð, eða ég kíkti í fjárhúsin á Böðvarshólum. Var þar hátt í 4 tíma og hjálpaði Ingveldi meira að segja að taka á móti einu lambi. Hún ætlaði nú fyrst að láta mig toga í lappirnar á lambinu. Ég hélt nú ekki, og bauðst frekar til að halda rollunni niðri. Ég gat það alla veganna. Og auðvitað var ég síðan að kafna, því eftir þessa fjárhúsaferð þá lykta ég eins og rolla. Svo byrja ég í sjoppunni á morgun........

Jiiibbbbbýýýýýý!!

Það er formlegt, ég á bíl!!!!!!!

Hvammstangi, here I come!!

Já síðasti vinnudagurinn í dag. Jiii, hvað ég verð fegin. Svo verð ég að bruna norður beint eftir vinnu til að fara að vinna í sjoppunni, er maður ekki duglegur?! Búin að pakka öllu niður þannig að ég er bara ready to go!!
Annars er ég eitthvað að spá í bílakaupum, veit ekki alveg hvernig þau fara, það er eitthvað verið að vinna í þeim. Bið bara til Guðs og vona það besta. Alla veganna þá segir Kári vinur minn að Guð geti gert allt. Ég held ég láti bara reyna á það, eða HANN!! Og svo að krossa fingur líka. Góóóðððiii Guð........

Geislaspilari!!

Á einhver geislaspilara í bíl til sölu fyrir lítinn pening eða jafnvel gefins?????

Bara einn vinnudagur.......

Já, bara einn vinnudagur eftir og svo er það bara Hvammstangi, here I come!! Þá get ég náttúrulega ekki látið bloggið mitt heita "Veröldin á meistaravöllum". Hmmmm, þetta krefst talsverðar hugsunar. En ég kíkti annars á bílasölur í gær, ég er nefnilega að leita mér helst að Toyotu, ekki eldri en ´94. Endilega ef þið vitið um einhverja á góðum prís þá látið mig vita. En mér finnst ég vera annars hálf ósjálfbjarga þegar kemur að bílakaupum. Ég bara get ekki hugsað mér að kaupa mér bíl þegar ég er ein. Ég verð alltaf að hafa einhvern karlmann með mér. Kannist þið eitthvað við þetta???
Við sáum nokkrar Toyotur (þegar ég segi við þá meina ég við Dolli, pabbi nefnilega hringdi í hann í gær og bað hann um að fara með mér, greinilega ekki að treysta mér einni þarna), þar á meðal eina bláa sem hafði lent í einhverju tjóni, það sást bara á stuðurunum. Og við vorum eitthvað að skoða hana þá komu einhverjar tvær stelpur og byrjuðu að spjalla við okkur. Bönnuðu okkur meðal annars að kaupa bílinn, ég var nú reyndar ekki með það í huga. En svo benti Dolli þeim á dældirnar á bílnum, þá sögðust þær hafa heyrt að "gaurinn" sem hefði átt bílinn hefði keyrt í gegnum skóg. Myndi ég kaupa bílinn ef ég vissi það, neeeeiiiii. En sumum finnst greinilega spennandi að eiga bíl sem hefur farið í gegnum skóg, en ekki mér.

Þvottadagur!!

Jú í dag er þvottadagur. Og í dag eftir vinnu ætla ég að labba niður á Ægisíðu. Ég þarf nefnilega að skila einni DVD, horfði í gær á Calendar Girls, hún var bara góð. Jamm annars er ekkert að frétta, nema ég flyt norður eftir 2 daga, JIBBÝ!!

Eurovision!!!

Hvernig er það... verður enginn með eurovision-partý um helgina????????

Jamm jamm.

Þriðjudagurinn kominn og 3 vinnudagar í viðbót. Og vonandi fæ ég restina af laununum í dag. Já vikan er þétt skipulögð. Í dag eftir vinnu þá verð ég að fara þrífa nokkra veggi og sonna. Og kannski ég hafi líka tíma fyrir eina DVD. En í gær þá kíkti ég á kaffihús með Elísu, það var ágætt. Ég smakkaði cappuchino hjá Elísu, þvílíkur viðbjóður. Þá held ég að rjóminn minn með kakóinu hafi verið skömminni skárri.
Jæja ég held að það sé ákveðið, ég fer held ég barasta í rækjuna. Það eru bestu launin þar. Ég er samt ekki að nenna því sko, en ég verð að vera þar sem peningarnir eru.

Meira um Orublustrákinn!!

Já, Orublustrákurinn er að fá svaka viðbrögð og ég get nú ekki sagt að þau séu góð... En sama hvað þið segið, MÉR finnst hann mjög getnó. Get ekki alveg sagt að hann kunni að koma orðum fyrir sig en þó get ég sagt að hann komi sér beint að efninu. Sem er stundum gott en líka stundum slæmt.
En bara 4 vinnudagar eftir í þessari vinnu og ekki enn búin að fá allt útborgað. Voða þreytt á þessu öllu saman. En skoðanakönnun hjá Fréttablaðinu í kvöld, sem þýðir aukapeningur, easy aukapeningur. 5000 kall fyrir cirka 2 tíma. Kannski ég taki 2 kannanir ef ég nenni, það er 10.000 kall. Peningar peningar....

Orublustrákurinn!!

Sæti sæti, jamm jamm. Þetta er sem sagt hinn marg umtalaði orublustrákur. Ekki taka mark á öllum kvenmönnunum í kringum hann, þetta eru alveg örugglega allt frænkur hans......

Sunnudagur til Sælu...

Jú, ég er að vinna á þessum guðs blessaða sunnudegi. Mætti klukkan 8:00 í morgun, keyrði fram hjá nokkrum fyllibyttum á leiðinni. Já það er greinilega komið vor í reykvíkinga. Lenti svo í þessum svaka háska, haldiði að það hafi ekki bara verið eitt stykki FEIT randafluga sveimandi yfir hausnum á mér, hérna í vinnunni sko. Ég hélt að líf mitt myndi enda þá á staðnum! En ég er still alive.
Já..... í gær.... eftir vinnu þá var ég svaka dugleg og þreif alla veggina í herberginu mínu. Þetta er allt að koma, bara 5 vinnudagar (fyrir utan þennan í dag) eftir.

Aðeins betri..

Já skapið hefur aðeins batnað. En er það eflaust bara pabba og Fúsa (hennar Bet) að þakka. Þeir tóku allt stóra dótið mitt norður í gær í stóru góðu hestakerrunni hans Fúsa. Þeim leist nú ekkert á blikuna þegar þeir sáu að leiðin lá upp á 4. hæð í hringstiga. En þetta tókst samt.
Haldiði að hún Magga hafi ekki bara haldið á mér í gær!! Ég átti eftir að taka niður óróa úr stofunni og var búin að senda kollinn norður. Þannig að M vippaði mér bara upp eins og ekkert væri, og ég skal nú segja ykkur það að ég er ekki 29 kg. Aðeins meira en það.
En já þannig að nú hef ég ekkert rúm til að sofa í. Magga var svo góð og bauð mér að sofa uppí hjá sér. En það virkaði ekkert voðalega vel, fyrst potaði hún í nefið á mér. Vakti mig þar af leiðandi... Og svo vafði hún hendinni utan um mig, þá leist mér ekkert á blikuna og forðaði mér út. En hún er víst vön að gera þetta. En ég held að ég sofi á svefnbeddanum næstu nætur.

Peningalaus!!!

Þessi djöfulsins vinna, ég er ekki ennþá búin að fá útborgað!! Ég á víst bara að lifa á loftinu, ha! Ég þekki samt konu sem þekkir mann sem er handrukkari. Spurning um að biðja konu að tala við mann um að handrukka smá fyrir mann. Brjóta nokkra fingur og svona.. Mér líst rosalega vel á það miðað við skapið sem ég er í núna. En fyrir utan alla gremjuna þá er þetta búinn að vera ágætis dagur. Fór í Cos (sem er undirfataverslun í Glæsibæ) og fékk mér 3 naríur, sem mamma borgaði reyndar fyrir þar sem ég á engan pening. Svo kemur pabbi seinni partinn og tekur allar stóru mublurnar mínar. Þannig að ég verð sama sem og flutt eftir daginn í dag. Þá á ég bara eftir að koma sjálfri mér norður.

Peningadagur..

Jú í dag er útborgunardagur hjá mér. Það á að vera alltaf útborgað 5. hvers mánaðar sem er soldið skrýtið þar sem launatímabilið er 16. til 15. hvers mánaðar. En spenningurinn felst í því hvort að ég fái útborgað á réttum tíma eður ei. En í gææær.. Rósa kom í heimsókn og elduðum við dýrindis pizzu. Í kjölfar fylgdi heilmikið sjónvarpsgláp. Hafiði fylgst með Paradise Hotel?? Jiiii, þvílík spenna og þvílík drama. Þetta eru raunveruleikaþættir, algjört æði. Alltaf á þriðjudagskvöldum kl. 21:00 á Popptíví. Annars er voða lítið annað að gerast hjá mér þessa dagana. Styttist óðum í flutninga....

Verð að koma einu á framfæri. "Það sem þér viljið að aðrir menn gjöri yður það skulið þér og þeim gjöra." Þetta er eiginlega það sama og "Ég geri ekki neitt fyrir neinn sem gerir ekki neitt fyrir neinn". Hið fyrra er bara fallegra orðað. En ég hvet ykkur gott fólk að taka þetta til viðmiðunar!!

Jæja, jæja..

Ég ákvað að skella mér í Nóatún við Hringbraut í gær og versla aðeins. Jú jú labbaði þangað í nístingskulda og roki. Svo kom það í ljós að þessi ferð var nánast til einskis, því það var ekkert til í þessari blessuðu verslun. Eini ljósi punkturinn við þessa ferð var að ég hitti Gogga, hann var með okkur mörgum í skóla á króknum. Hann er nefnilega í Kennaraháskólanum á öðru ári, Er hann þá ekki með þér Sigrún í einhverjum tímum? Fékk mér svo hollan kvöldmat, eða fyrir utan brasaða kjötbúðinginn, keypti nefnilega gúrku í Nóatúni til að borða með af því það voru ekki til kartöflur í lausu!! En sló hollustunni síðan bara upp í kæruleysi og fékk mér ís um kvöldið. Jæja ég hreyfi mig bara mikið fyrir norðan...

Smá hugleiðing..

Hvort á ég að fara í sláttuhóp hjá hreppnum í sumar eða á ég að fara í rækjuna??? Ég verð nú að viðurkenna að sláttuhópurinn heillar mig meira. Vinna úti í blíðunni, en reyndar þá kemur stundum vont veður á sumrin. Og að ég tali nú ekki um allar randaflugurnar.... Þetta er verðugt umhugsunarefni, en hvað ætti ég að gera?

Haldiði að Fréttablaðið og DV eins og það leggur sig hafi ekki bara ákveðið að fara niður á Austurvöll í dag til að mótmæla fjölmiðlafrumvarpinu. Sem er kannski allt í lagi fyrir utan það að ég er að svara fyrir það. Eða við tökum við yfirflæði frá þeim. Og þegar það er enginn á staðnum þá fara ÖLL símtölin til okkar. Fíflagangur er þetta....

Helgin!!

Jamm jamm, helgin var ágæt. Fór á djammið á föstudaginn með M. Náði reyndar líka í Boggu en hún var ekki lengi með. Það var ofsa gaman, aldrei hef ég séð M svartari af drykkju. Hún var í endann næstum því farin að dansa ofan á mér. Magga er nefnilega þannig að því meira sem hún drekkur því ágengari verður hún, og ekki bara við karlmenn. Ég þurfti án djóks að halda henni í fjarlægð með því að ýta henni í burtu. Hitti svo örugglega alla Blönduósingana sem ég þekki, það var alla veganna mjög mikið af þeim þarna. Ooooog Orublu strákurinn minn, ég hef barasta ekki hitt getnaðarlegri mann, hann var líka á djamminu. Sæti, sæti... Kom svo ekki heim fyrr en seint, sko mjöööög seint, 8 á laugardagsmorguninn eða eitthvað. Og allur laugardagurinn fór í brjálaða þynnku. Ég hef barasta aldrei lent í öðru eins. En sunnudagurinn er sko ekki búinn að fara til spillis, er búin að vera á fullu að pakka niður. Það styttist nefnilega í að ég flytji norður. Það eru 12 dagar þangað til.