Teljari...

Hvernig í andsk......... fæ ég þennan fokk..... teljara til að telja????????

Hann virkar.... Flott, gott að heyra! En kæra fólk, ég er að fara á Deep Purple tónleikana, bara fyrir Eydísi. Ég fékk miðana nefnilega 2000 kalli ódýrari heldur en flest aðrir, sem er mjög gott. En bílakaupin mín verða ekki eins glæsileg og ég hélt að þau yrðu. Þá er bara að skella sér í helgarferð erlendis í sumar, það held ég nú. Förum bara öll....

Jammmsss......

Ég held að M sé ekkert alveg sátt við að ég sé að fara að flytja. Hún tók mig í nudd í gær og ég held hún hafi verið að reyna að drepa mig. Þvílíkar kvalir, það getur reyndar líka verið að ég þjáist bara svona mikið af vöðvabólgu. En aldrei hef ég kveinað áður út af nuddi. Fór síðan í ljós og tók engan lit því miður, lásí sólbaðsstofa. Hlakkar mjög mikið til að flytja norður, þvílíkar framkvæmdir sem verða hjá mér í sumar og haust. Ég verð bara busy kona...

Hvammstangi!

Jæja, þá er það komið á hreint. Ég er að fara að flytja norður núna örugglega í maí. Og það þýðir að ég sé að fara að kaupa mér bíl, NÝJAN bíl. Hlakka meira að segja soldið til. Hún Eydís ætlar nefnilega að fara að gera úr mér hestakonu, það verður örugglega erfitt. En það kemur allt með heita vatninu.
En ofboðslega verð ég fegin að losna úr þessari vinnu, váá. Það var einn sem hringdi í morgun og vantaði að fá að vita um einhverja vöru hjá BT, en BT-síðan lá niðri þannig að ég gat ekki séð lagerstöðuna og engin BT-verslun var búin að opna. Maðurinn varð ekkert smá fúll og bað mig bara vinsamlegast að vera ekki að svara símanum ef ég gæti ekkert aðstoðað hann. Ég sagði bara, Allt í lagi góði. Þjónustulundin alveg að drepa mig.
Það er allt að gerast í gestabókinni minni, endilega kíkiði!

Papaball!!

Já, papaballið er búið og vitiði hvað? Ég var ekki að keyra, mín datt bara íða, og vel íða. En sérdeilils prýðileg skemmtun, jamm og já. En hafiði (kvenmenn) tekið eftir því hvað karlmenn geta verið alveg ofboðslega rómantískir. Nei? Það er líka út af því að þeim er ekki kleift að vera það, því er nú ver og miður..... Og svo var partý en fór ég, neeeeiiiii, ekki frekar en vanalega. Jæja, rita eitthvað meira þegar að ballið fer að rifjast upp fyrir mér. Annars finnst mér eins og ég hafi verið voðalega mikið úti, eitthvað hjá rútunni og eitthvað..

Sjóliðar!

Vitiði hvað??? Það eru komnir sjóliðar í Reykjavíkina alla leiðina frá Frakklandi. Þeir eru svo snúllulegir, allir í matrósafötum með rauðan dúsk á húfunum þeirra. Þetta er eitthvað sem er ómissandi við vorið í Reykjavík. En á ég að trúa því að það vanti engan bílstjóra á papaballið? Og er enginn að fara norður??? Fór annars í heimsókn til Elísu í gær. Við (ég, Elísa og Ellen) spiluðum Manna og ég get sagt ykkur það að ég var ekki að vinna þegar við hættum að spila. Með mínus 7 stig sem er víst ekkert gott. Þær hafa örugglega svindlað..... Bíðið bara þangað til við klárum spilið, þá mun lukkan hafa snúist mér í vil, múhahahahahaha!!

Og svona bæ ðe vei.....

Já, af hverju er enginn búinn að skrifa í gestabókina mína, hún er ofsa flott. En þið þurfið að klikka á hana, hhhmmmmmmmm...... Eeeenn veit einhver um far norður annað hvort annað kvöld eða á fimmtudaginn??

Eftir helgi!

Það var svaka stuð á Þinghús-bar á laugardaginn. Zilli, Mundi og eyjapeyjinn héldu uppi stuðinu allt kvöldið. Og heyrði ég reyndar að eyjapeyjinn hefði spilað til 6 um morguninn. Það var nefnilega partý hjá Hrannari. En ég bara gat ekki hugsað mér að mæta þangað, ég held ég sé aumingi eða alla veganna ekki efni í alvöru fyllibyttu. Ég nenni bara aldrei að fara í partý. Svo varð líka hvort eð er allt brjálað eins og vanalega, sumt fólk ætti aðeins að slaka á drykkjunni. Svo er Papaballið um næstu helgi og er ég að spá í að keyra eða drekka, annað hvort. Gæti líka farið frítt á ball með þeim í Svörtum fötum á síðasta vetrardag, langar ofsalega að fara. En get eiginlega ekki farið ein. Ég hef nefnilega aldrei farið á ball með þeim. En vantar einhvern driver á ballið??? Ég á heldur ekki bíl sko....

Fermingarveislan!!

Jæja ég er komin norður. Skrapp í fermingarveisluna áðan og fékk mér ofsa gott að éta, ég held ég hafi bara svei mér þá aldrei étið eins mikið í veislu áður. Svínasteik og kransakaka, namm namm. Annars hef ég voðalega lítið að segja, ætla reyndar alveg örugglega að kíkja á barinn í kvöld og held að það verði ekkert mikið annað sem ég geri hérna fyrir norðan. Nema kannski að fara í sund á morgun. Kannski að maður hafi eitthvað spennandi að segja á morgun. You never know, you know!!

Heim!

Jæja, vinnan er alveg að verða búin, bara 20 mínútur eftir. Þá fer ég að passa elsku Daníel og síðan skal brunað á Hvammstanga. Er reyndar eeeekki að nenna því. Ég var að spá með Papaballið, ég var alveg búin að ákveða að fara ekki. Eeeen svo svaraði ég einu símtali í vinnunni og haldiði að það hafi ekki bara verið meðlimur í Pöpum. Ég var að spá hvort að þetta væri eitthvað svona SIGN. Hvað haldiði??

Bakstur!

Ég þarf bara að vakna einu sinni enn í þessari vinnuviku. Var voða dugleg í gær og bakaði skinkumyrjuhorn. Þau eru það vinsæl að ég er beðin um að taka frá fyrir vini og vandamenn. Eða bara Sigrúnu af því að ef að hún lætur mig ekki taka frá fyrir sig þá klára ég þau öll alein. Eitt sem ég var að uppgötva en það er að þegar móðir mín bakar pizzu þá er hún með ofninn of hátt stilltan. Ef að hún myndi hafa hann á 150 gráður í staðinn fyrir 200 gráður þá yrði botninn ekki eins harður og osturinn ekki eins brenndur. Næst þegar að það verður pizza hjá mömmu þá elda ég og hún kemur ekki nálægt því. En planið fyrir daginn, þ.e.a.s. eftir vinnu, er að fara þrífa. Jú gott fólk það er komið að vikulegum þrifum. Og þessa vikuna er það mitt verk að shjæna eldhúsið. Segið svo að ég eigi mér ekkert líf. Svo er ég líka að lesa 2 bækur, annars vegar eina eftir Stephen King og hins vegar Súper Sex.

Leiðarljós!!

Varð bara að koma þessu á framfæri með þetta blessaða leiðarljós. Ég var nefnilega að horfa á þáttinn áðan og Joshua bara kominn aftur!! Hvernig er þetta, var hann ekki dáinn??? Sigrún, þú veist þetta, dó hann ekki eða? En annars þá eru 3 vinnudagar í helgarfrí. Það mætti halda að mér leiddist þessi vinna. Og fermingarveisla um helgina sem þýðir að ég fæ kransaköku, jibbý.

Páskafrí búið!

Því er nú ver og miður en páskafríið er búið. Og aftur er maður komin í þessa blessuðu vinnu!! En bara vinna í 4 daga og svo frí í 3 daga. Ég er soldið búin að vera að spá hvort að ég ætti að flytja norður. Eitthvað verður maður að gera, ég er komin með leið á að vera í bænum. Og ef ég flyt heim þá gæti ég farið að borga meira niður skuldir og jafnvel keypt mér bíl. En annars þá var páskafríið bara fínt. Ég reyndar tapaði fyrir Unni í pool. Þó svo að hún hafi sama sem og aldrei spilað áður, svona er heppnin hjá mér!!!

Föstudagurinn langi!!

Já föstudagurinn langi virðist bara ætla að verða ágætis dagur. En já truntumótið í gær, það var bara mjög gaman og lenti hún Eydís okkar í 3. sæti. Svo verður bara gaman, pool og bjór. Kannski að maður fari bara á barinn eftir 12 í kvöld. Ég væri nú samt sem áður til í að spila líka eitthvað svona spurningaspil áður en farið væri á barinn. Annars verður bara mest slappað af í dag. Sjáumst í poolinu, þegar og ef það verður!!!!
Until we meet again......

Djamm!!!

Jæja haldiði að ég hafi ekki kíkt á djammið í gær!! Ég gerðist svo fræg að fara ífyrsta skiptið inn á Kapítal og ég get sagt eitt gott um þann stað, það er fuuullt af sætaplássi þar. Hitti svo fullt af fólki, þar á meðal Orublu strákinn minn. Hann er svoo sætur! Hann Þröstur frændi kom með á djammið en hann var einmitt að minnast á í gær að það væri svo gaman að djamma með mér. Ég veit ég er svo skemmtileg. Erna gerði svo heiðarlega tilraun til að þykjast vera sænsk. Og ég get nú sagt ykkur það að það var ekki að virka hjá henni, fólk var ekkert að trúa henni þar sem hún blandaði saman ensku, dönsku og sænsku. En við gátum bara hlegið að þessu. En það er annars ekkert komið í ljós í sambandi við poolið en ég vona að það fari að skýrast úr því hvað úr hverju. Ég er annars á leiðinni á Blönduós í kvöld á truntumót. Þarf nefnilega að fara að hvetja hana Eydísi til sigurs. Og já mömmu hennar líka.
Og bara allir á truntumót!!!!!

Páskafrí!!

Nú þarf ég bara að vinna daginn í dag og svo er ég komin í páskafrí! Missi reyndar af óvissuferðinni hjá vinnunni. En þetta er svo svakalega mikil óvissuferð að það veit bara enginn hvenær eða jafnvel hvort hún verði. Eeeeen aðalmálið þessa dagana er hvort að af þessari pool-keppni verður? Ef það verður ekki pool þá væri nú gaman ef einhver ætti trivial spilið eða eitthvað álíka spurningaspil.... Spáið í því!

Múhahahahaha!!

What do people really think about you? by Raven319
Name
Age
favorite song
Parents think	You work too hard
Strangers think	You're hot
Friends think	You're wonderful
Created with quill18's MemeGen 3.0!

Svona verður það víst!!

What will your Funeral be like? by rashock
Username
You will die by:	Your mother warned you not to run around with scissors in your hand. You die by some freak accident. Can't really say it was pretty, your Funeral is a closed casket.
Death Date:	July 17, 2071
Number attending your funeral?	177
How much will you leave to friends and family?	$619,052
Created with quill18's MemeGen 3.0!

Pool-keppnin!!!

Ok, laugardagurinn 10. apríl hentar greinilega ekki. En hvað þá með föstudaginn 9. apríl??? Ætli það sé ekki hægt að fara inn á einhverja síðu til að læra meira hvað er hægt að gera á þessu bloggi? En endilega sýna lit með pool-ið. Ef ekki pool-keppni þá eru ýmsar aðrar íþróttagreinar sem hægt væri að keppa í. Svo sem ........., mér dettur reyndar ekkert í hug núna, nema kannski víðavangshlaup. Allar uppástungur verða teknar til greina en óvíst er hvort einhver af þeim verði valin. En Pool númer 1, 2 og 3. Svo væri nú ennþá skemmtilegra ef fólk myndi taka með sér áfengisveigar til að sötra yfir spennandi keppni. Það er nefnilega ennþá skemmtilegra að spila þegar drukkinn er góður og ískaldur bjór. Skemmtilegast, ef af þessu verður, verður að sjá "meistaralega" takta hjá Boggu, þeir eru frekar góðir..... Við æfðum okkur nefnilega soldið mikið á tímabili.

Pool-keppnin!!!

Jæja......... hvað segiði um að hafa pool-keppnina laugardaginn 10. apríl??? Katrín, þá er komin tíminn til að standa við sitt. Þú hefur víst sambönd. Þannig að alla sem langar að vera með vinsamlegast látið mig vita. Og já Katrín sæta, geturðu þá komið okkur að í pool-borðið??
Hugsið málið!!! Þetta verður bara gaman....

Gaman gaman...

Já, djammið heppnaðist bara vel í gær. En nenni nú samt ekki að fara aftur með stelpunum út í kvöld. En það gerðist nú eiginlega ekki neitt á djamminu. Samt var gaman. Áður en við fórum niður í bæ var ákveðið að reyna að fara í drykkjuleik. Kallaðist hann Búdda og gekk út á margföldunartöfluna. Ég get nú sagt ykkur það að hún M var ekki meistarinn í þessum leik. Svo var bara farið niður í bæ og drukkið og dansað. Þannig að ég er að hugsa um að vera bara ein heima í kvöld. Þó svo að maður gæti farið frítt á djammið. Það heillar mig bara svo mikið að vera heima og sötra kannski einn eða tvo bjóra. Svo er aldrei að vita kannski skipti ég um skoðun og skelli mér bara á djammið, ég ætla bara að láta það ráðast......

Deep Purple!!

Jæja við fengum 1000 miða til að selja í dag og byrjaði salan klukkan 12.00 stundvíslega. Miðarnir voru búnir klukkan 13.00, þannig að þið getið ímyndað ykkur brjálæðið sem er búið að vera. En djammið er enn inni í myndinni fyrir kvöldið í kvöld. Var hætt við í gær, var svo ótrúlega fúl að það lak af mér fýlan. Gerði líka svaka hreingerningu í gær, ALEIN!!! Þreif alla íbúðina EIN.
Jæja kannski fæ ég að stelast í tölvuna hjá Þurý í kvöld og skrifa eitthvað, ég er orðin sjúk í þetta blogg....

Nýjar Mublur!!

Var að fá gefins í gær nýtt sófaborð, geðveikan spegil og fína eldhússtóla. M segir að ég sé yfirleitt glöð í 2 vikur alltaf þegar ég fái eitthvað "nýtt", sama hvað það er. Og ég býst við glimrandi hamingju næstu daga. En borðið er svo flott og spegillinn líka og stólarnir. Svo lét maðurinn (sem var rauðhærður og getnaðarlegur) mig hafa númerin hjá sér og emailin svo að ég gæti haft samband við hann í ágúst því þá er hann að fara flytja út. Og Þá ætlar hann að láta mig hafa restina af eldhússtólunum og sagði líka að það væri örugglega eitthvað fleira sem ég gæti losað þau við. Rosalega almennilegt fólk. Hérna kem ég einhver ókunnug sveitastúlka og þau eru bara tilbúin til að gefa mér allt innbú sitt, eða hér um bil. Gaman af svona fólki. Og já, ætla að gera aðra tilraun til að djamma á morgun, Hulda er nefnilega komin í bæinn og Eydís á leiðinni. Kannski verður gaman, ef ekki þá gefst ég upp! Kannski...........
En until next time!!