Miðvikudagur til mæðu!

Það er búið að vera brjálað að gera í vinnunni í dag. Það hófst nefnilega sala á tónleikana með Deep Purple í dag. Þið sem vitið ekki hvað það er þá er það einhver hljómsveit sem var upp á sitt besta fyrir mína tíð. Af hverju kemur það vinnunni minni við?? Jú ÉG er að selja miða á tónleikana fyrir hann Einar Bárðason, góðvin minn. Annars er voðalega lítið að frétta. Var að passa Daníel í gær. Það er svo greinilega klingjandi samhljómur í okkur. Við löbbuðum allar út í búð með Daníel. Það er merkilegt, því báðar eiga þær bíl. Veit ekki alveg hvernig Þurý er með labbið en M fékk alla veganna strengi..... Eða eitthvað álíka. Er enn að reyna að vinna í lagalista sem ég ætla að láta hann Hannes bróður fá til að skrifa á disk fyrir mig. Uppástungur eru vel þegnar. Ég er nefnilega ekki komin með fleiri en 6 lög og ég held að þau þurfi að vera aðeins fleiri til að ég nýti diskinn sem best, eða plássið á honum. En er annars að spá í að fara að hunska mér heim úr vinnunni.
Until we meet again......

Ekkert að frétta!

Ég er svo myndarleg, alltaf að baka sko..... Eða alltaf að baka skinkumyrjuhorn. OFSA GÓÐ, meira að segja þegar ég geri þau. Var nefnilega sko að baka í gær, verst að nú er ég ekki með örbylgjuofn. Er nefnilega vön að frysta hornin og hita þau síðan upp, nú sé ég fram á þann vanda að þurfa að éta þau öll helst í dag. Eða í síðasta lagi á morgun. Ef þið vitið um örbylgjuofn, GEFINS, þá endilega látið mig vita. Jæja er alla veganna að fara að koma mér heim úr þessari ljótu vinnu, er nefnilega að fara að passa.
Hastala Vista.........

Pool!!!!!

Hvað segiði um ef að við söfnumst öll saman sem vilja fara í pool á Players laugardaginn næsta, sem sagt 3. apríl???? Oooog það væri líka gaman ef það yrðu verðlaun, alla veganna fyrir 1. sætið. En það yrði þá að vera eitthvað sem mig langar í þar sem vinningslíkur mínar eru mjög sterkar!!!

Slúður!!

Ég var nú aldeilis að heyra sögurnar af þessari blessuðu söngvarakeppni þarna á tanganum. Ein var um Hrönn Sveins. Önnur um hana Borghildi, ætli sá herramaður sé "draumaprinsinn" hennar??? Af sögunum að dæma þá var rokna stuð, en hvað gerði ég, ég var heima. Fékk reyndar heimsókn frá einu alveg viðbjóðslega hamingjusömu pari, svo hamingjusöm að maður gæti ælt!! Nei, þau eru nú reyndar algjörar rúsínur, fínt að það gengur vel hjá þeim. En þau eru líka með guði eða svo að segja. Vaknaði svo rúmlega 2 í nótt og koma fram þá var M bara fullklædd á leiðinni út með sundtösku. Ekki veit ég hvert hún ætlaði með hana, ég var næstum viss að ég væri með óráði. En er búin að fá staðfestingu á því að hún fór út með sundtösku.....

Helgin!

Jæja þá er laugardagurinn runninn upp og lítur út fyrir að verða ömurlegur. Hangi heima lasin. En ég skellti mér í kringluna í gær með pabba. Sem er náttúrulega ævintýri út af fyrir sig, en ævintýrið felst nefnilega í því að passa að hann týnist ekki. Það hefur sko gerst. Og svo átti hún Ingunn Rikk afmæli í gær og varð hún 23 ára, kellingin. Dauðlangar að fara norður og skella mér á söngvakeppnina, en neeiii þó ég sé lasin þá þarf ég samt að fara að vinna á morgun. En hef ekkert að segja, þannig að bless í bili.

Reeeaaalllyyy!!!

Ég kaupi þetta ekki, þið sem hafið séð rassinn á mér skiljið hvað ég er að fara, hann er ekki getnaðarlegastur. En stór er hann..... Og hvað er þetta Rub down dæmi?????

What Makes You Sexy? by eva71
Name/NickName
Gender
Sexy Body Part Is	Your Ass
Special Talents Are	Giving The Rub Down
Created with quill18's MemeGen 3.0!

Guð!!

Sko, málið er að hann Kári vinur minn er alltaf að segja mér hvað guð sé góður, en ég er bara ekkert alltaf svo viss. Af hverju lendir maður þá alltaf í svona rugli. Ég ætla ekkert að fara nánar út í hvers konar rugl... En alla veganna núna þá er ég búin að ákveða að fara ekki á bjórkvöldið, ég get alveg sleppt því. Það er líka Friends í sjónvarpinu þá og ekki vil ég missa af því. Þetta verður bara að bíða betri tíma. Annars þá var mjög gaman í gær því Sigrún kom með elsku Daníel í heimsókn. Ef það hefur ekki komið nógu skýrt fram að þá ELSKA ég þetta barn út af lífinu. Ég ætla einmitt að fá mér eitt svona alveg eins barn, ég sagði nefnilega Daníel um daginn að ég ætlaði að kaupa mér barn í búðinni. Og hvað sagði hann annað en bara já, ég held honum hafi fundist þetta prýðisgóð hugmynd....

Bjórkvöldið!!

Bjórkvöldið mikla var sem sagt ekki um seinustu helgi. Nei það er nefnilega núna á föstudaginn. Auðvitað er það á föstudaginn þar sem að ég er að vinna á laugardaginn og byrja klukkan 8.00. Sem þýðir að ég komist ekki. Alveg er þetta týpískt fyrir mína heppni. Er reyndar í fríi á föstudaginn, Þurý var að spá hvort að við ættum bara að skella okkur á lífið á fimmtudegi. Það gæti orðið gaman, það er langt síðan að ég hef farið á lífið á fimmtudegi. En nóg um það.

Hvernig getur þetta staðist???

Hvernig getur Justin verið bæði bróðir minn og kærasti????? Er það ekki frekar sick!!

Who is in your celebrity family? by cerulean_dreams
User Name
Mom	Jamie Lee Curtis
Dad	Sean Connery
Brother	Justin Timberlake
Sister	Christina Aguilera
Dog	Milo
Boyfriend	Justin Timberlake
Best friend	Johnny Depp
Created with quill18's MemeGen 3.0!

Ekki frí!!

Mér til mikillar gremju þá er ég ekki í fríi í dag. Ég átti nefnilega að vera í fríi í dag en NEI, það átti víst að vera svo mikið að gera að mér var skipað að mæta. Ég gæti bara fengið frí í staðinn í næstu viku, á þriðjudegi!! Kannski langar mig bara ekkert að vera í fríi þá. Bull og vitleysa er þetta nú . Og bæ ðe vei það er ekkert að gera í vinnunni núna. Þau hefðu frekar átt að leyfa mér að vera í fríi í dag. Leiðinlegt fyrir þau! En smá aukapeningur í kvöld, er að fara að hringja út smá könnun fyrir Fréttablaðið og DV. Ég og Ingunn Rikk förum alla veganna. Þetta er nefnilega ágætlega borgað, þegar maður fær þá loksins borgað.........
Jæja nóg af nöldri í bili, bless.

Djammið!!!!

Jæja það er kominn Sunnudagurinn 21.mars. Ég fór nú á djammið á föstudaginn með M og Röggu meistara og fleirum. Það var ekkert rosalega gaman. En ÉG vann M í pool, það var reyndar mjög mjótt á munum en ég vann samt!!! Hitti engan sem ég þekkti á föstudagsdjamminu og einhver kelling var næstum því búin að stela töskunni minni. Var frekar mikið í glasi af því að einhver strákur blæddi bara allt kvöldið bjór og aftur bjór. Þetta djamm var sem sagt ekkert sérstakt.... Byrjaði svo á því á laugardaginn á að fá mér bjór. Eydís og vinnukonan komu í heimsókn og stefnt var að fara aftur á djammið á laugardag en nei það gat ég ekki hugsað mér að eyða sunnudeginum í þynnku.

Skattframtal!!!

Ég var sannfærð um að ég mundi ekki ná að skila skattaskýrslunni í tæka tíð en viti menn ég er búin að skila henni inn. Vil ég koma þökkum til Aldísar Olgu án hennar hefði þetta verið ógeranlegt, takk takk. En ef að það var eitthvað vitlaust og skatturinn kemur að leita mig uppi í ágúst þá neita ég allri aðild og segi að ég hafi verið plötuð. Að einhver hafi sannfært mig um að þetta ætti að vera svona. Nei, nei það verður allt í góðu, Aldís er það ekki. En ég get alla veganna ekki lagað það því það er farið. En skemmtilegur dagur framundan. Ég og M ætlum í ljós í þessu góða veðri hér í Reykjavíkinni. Svo er stefnan tekin í ríkið. Eftir góða verslunarferð þá er hugmyndin að fara í pool. Ég SKAL vinna M.

Einn dagur í helgi.....

Bara einn vinnudagur í viðbót í þessari viku. En svo að ég minnist á annað óskilt helginni, því 18. mars 1958 þá fæddist móðir mín. Fagnar hún nú 46 árum og óska ég henni hjartanlega til hamingju með það, elsku mamma. Annars er voðalega lítið að gerast hjá mér þessa dagana, er reyndar að fara að passa hann Daníel frænda minn í dag. ætli það verði ekki hápunkturinn hjá mér í dag.

Engin Akureyrarferð!

Jæja, þá er Akureyrarferðin úr sögunni. Planið var að skella sér á Akureyri um helgina og kíkja á lífið þar. En Eydís elskan hætti við vegna peningaleysis og þá verð ég að gera það líka. Þá er bara vonandi að það verði eitthvað úr þessu bjórkvöldi sem verið er að plana í vinnunni um helgina!! Reyni bara að gera gott úr öllu saman, kannski að maður verði bara með partý, ég er viss um að M muni fíla það! Annars gerði ég voðalega lítið í gær. Kíkti reyndar í eina skóbúð með Boggu og sá þessi GEÐVEIKU stígvél og á aðeins 4000 krónur. Það kalla ég kostakaup. En því miður mun ég örugglega ekki eignast þetta yndislega skópar sökum þess að ég er svo mössuð á kálfunum að stígvélin ná ekki utan um þá. Þetta er EKKI fita heldur svona SVAKALEGIR vöðvar, og hana nú. En hvernig næ ég í svona broskalla og svoleiðis dót til að setja hér inn??? Ætlar einhver á lífið um helgina???
Until we meet again......

Ljósabruni!!!!

Jæja, ég skellti mér í ljós með henni M í gær. Það er kannski ekki í frásögur færandi fyrir utan það að ég var eins og nýkomin úr utanlandsferð. Ég fann fyrir því gærkveldi þegar að ég var á leiðinni til Sigrúnar að ég var bara gjörsamlega að soðna. En það lagast nú örugglega fljótlega (vona ég) og ég verð ofsalega brún og sæt!!!!! Nóg í bili, bæti örugglega einhverju við áður en vinna er búin. Vinnan er ekki búin, það eru heilir 2 tímar eftir í dag. Ég verð að fá aftersun krem, ég er eins og Unnur í framan á góðum degi.......
Until next time!!

Allt í Fínasta lagi!!

Sigrún bara búin að redda málunum. Ég þori reyndar að veðja að þetta verður allt farið í bál og brand á morgun...... En þá er bara að finna út hvernig á að setja linka inn. Og þá er eins gott að þessi síða verði vel sótt!!!! Þurfti að ferðast í strætó í 40 mínútur til að komast hingað og laga þetta.
Jæja, þá er bara að bíða og sjá hvernig fer...........
bæjó!!!

Það er varla að maður hafi tíma til að svara í símann í vinnunni, maður er svo upptekinn af þessu bloggi. Ég verð bara pirraðari og pirraðari eftir því sem oftar hel......... síminn hringir. Ætla nú að kíkja til Sigrúnar systur í kvöld, hún ætlar að hjálpa mér með bloggið. Svo þarf maður að koma sér upp svona dæmi svo að fólk geti nú kommentað hjá mér.
Until next time...............

Jæja, þá er maður kominn í bloggheima!!!!!!!