Paradise City!

Nýtt blogg!

2006-10-13T09:56:00.000Z

Er að hugsa um að skipta um blogg, sveinap.bloggar.is, tékk it át.

Sjæsa......

2006-10-09T08:55:00.000Z

Ballið var með eindæmum fínt. Helga og Eygló komu í heimsókn og kíktu á réttarball. M og Rikkarinn voru að brillera allt ballið. Fékk óvenjulega viðreynslu þar sem gengið var beint til verks, en það gekk ekki hjá viðkomandi.
Elli var víst með eitthvað vesen, neitaði Helgu um far heim. Veit ekki hvaða stælar það voru. En hún komst heim á endanum.
Annars tók ég ekki eftir neinu slúðri, ekkert að gerast.
Ætli maður kíki ekki aftur norður laugardaginn næsta. Rósa er að fara að halda upp á afmælið sitt.
Annars lítið annað að frétta.......

sjit+##%#

2006-10-02T09:30:00.000Z

Mig sárvantar svarta vinnu a.s.a.p. um helgar. Ég sé fram á blússandi mínus ef ekkert verður aðhafst.

Annars eru stóðréttir á næsta leyti og ballið að sjálfsögðu. Ætla ekki allir að mæta?

Hef ekkert að segja
Síjú leiter..

Jæja, jæja...

2006-09-25T08:26:00.000Z

Haustfagnaðurinn var ágætur. Gísli "Út og suður" gaur var veislustjóri. Hann er á listanum mínum núna yfir most wanted. Hann sagðist vera á móti Húnvetningum, nóta bene ég var eini Húnvetningurinn þarna inni. En ég las nú aðeins yfir hausamótunum á honum eftir skemmtunina og hann baðst afsökunar. Svo var ein stelpa úr skólanum með smá uppistand, ég hef sjaldan hlegið jafn mikið. Þvílíkur húmor.

Ballið fór vel fram. Ég mætti í rauða fína prinsessukjólnum mínum. Og allt gott með það. Nema þegar mín er að hlaupa út í rútu til að komast heim þá dett ég í grjótinu. Sniðugt að hlaupa í háhæluðum skóm og í dragsíðum kjól í hrauninu. Þannig að ég er með 2 hné á hægra fæti, frekar vont. Annars tók ég ekki eftir neinu, það koma sennilegast inn myndir á Varmalandssíðuna.

Sí jú leiter...

Haustfagnaðurinn..

2006-09-22T16:06:00.000Z

Hann er í kvöld. Vorum í dag í Hriflu að hjálpa við að skreyta og verð ég bara að viðurkenna að þetta lítur bara nokkuð vel út. Við skreytingu var notað hraun, held reyndar að við verðum að skila því aftur á sinn stað, birki, ber, kerti og svartar blöðrur. Þau voru nokkur sem blésu upp 100 blöðrur, þegar ég fór voru 92 eftir.

Svo er bara að sjæna sig því maturinn byrjar klukkan 20:00. Ég vona svo að það verði ætt. Ég hélt að það ætti að vera eitthvað voða ball, en það er dj. Var reyndar að fatta að þau voru víst að reyna að fá Pál Óskar en það stendur að dj Paulito sé að dj-ast. Klár stelpan að sjá í gegnum þetta. Þá lítur allt mun betur út.

Annars leggst skólinn rosalega vel í mig. Hefði átt að vera löngu farin hingað. Það væri nú gaman ef ég myndi setja inn slúður eftir ballið en þið þekkið hvort eð er eiginlega engann hérna. Þá er bara spurning um að halda í vonina um að Aldís geri eitthvað, já eða jafnvel ég....

En við erum svo vel upp aldnar að það er lítil hætta á því.

Enní hjú, Aldís bannað að beila!

ÚFF!

2006-09-19T10:15:00.000Z

Þar skall nú hurð nærri hælum.
Ég var í mínu mesta sakleysi á msn á sunnudagskveld sem er svo sum ekki í frásögur færandi nema ég fékk vírus. Hélt ég að ég hefði nú náð að koma honum út úr tölvunni. En nei daginn eftir kom sko annað upp á borðið. Jæja, mín reyndi nú eftir sinni bestu tölvugetu, sem er nú ekki mikil, og handleiðslu tölvukarlanna hér á Bifröst að lækna tölvuna. En allt kom fyrir ekki og versnaði ástand aumingja tölvunnar stöðugt. Strákarnir á vistinni reyndu munn við munn aðferð en hún reyndist árangurslaus. Þá var tekin ákvörðun um að bruna með tölvuna í aðgerð upp á Bifröst. En nei vinnutími tölvukarlanna var að verða búinn og margir sjúklingar á leið í aðgerð á undan minni. Þá var stefnan tekinn á að rjúka norður í land og leita töfralækninga. Töfralæknirinn framkvæmdi neyðaraðgerð á tölvunni og kom henni í stöðugt ástand. Í dag get ég notað þennan yndislega grip, þökk sé mínum elskulega bróður og töfralækni, Hannesi.

Enní hjú...
Það er haustfagnaður á föstudaginn, það er að magnast upp spennan í manni. Meir um það þegar upplýsingar berast í pósti.

BALL...

2006-09-12T20:08:00.000Z

Jú, það er ball. Þessi tvö um seinustu helgi voru greinilega ekki nóg. En þetta er alvöru hlöðuball sem er haldið í reiðhöllinni á Blönduósi. Þetta er víst stóðréttarball þeirra sveitunga. Hef ekki hugmynd um hvað kostar inn enda hefur það yfirleitt ekki skipt máli. Hljómsveitin Úlrik er að spila, við munum öll hvað var gaman á páskaballinu heima með þeim, er haggi!

Annars gengur bara glimrandi í skólanum, er að vísu bara búin að fara í 2 bókfærslutíma, en mér gengur bara ágætlega í því. Loksins, gott að fá eitthvað að læra. Ræktin hér er bara góð, það voru keypt ný tæki í sumar. Og nú tekur maður sko á því.

Sjáumst..

ÉG......

2006-09-11T00:03:00.000Z

Nenni ekki að blogga. Bara láta vita af nýjum tenglum, Eva Hlín og Varmalandsvillingarnir. Hið síðarnefnda er blogg sem við æðislega fólkið á Varmalandi ætlum að vera með. Æðislegt, allir búnir að fá password, Pétur ætlaði víst að blogga næstur, þarna koma líka inn myndir frá okkur. Frábært allt saman....

Enní hjú
Síjú leiter....

Nýnemakvöldið

2006-09-06T19:51:00.000Z

Var í gærkveldi og mætingin eftir því í morgun. Frumgreinadeildin vann 2 keppnir af 3 og voru liðin nú 4. Laaaangbest eiginlega, líka með langbesta hvatningshópinn. Það var frír bjór og skemmtilegheit. Svo um tíuleytið færðum við okkur yfir á kaffihúsið og þar var ölið teygað, mjög gaman. 2 frumur dönsuðu uppi á borðum, heppni að ekki fór illa. Ég fór nú samt í Varmaland fyrir 1, því klukkan hálftólf var mín komin á klukkuna og farin að telja niðu mínúturnar þangað til ég kæmist í bælið, úff. Hér voru nú nokkrir sambýlingar mínir á stjá til 6 í morgun. Einn hef ég ekkert séð í allan dag. Þá er víst Rockstarpartý hérna í kvöld. Það átti að senda póst á alla í frumunni um það því Skjár einn næst ekki uppi á Bifröst. Pósturinn fór á alla nemendur í skólanum, æ og ó segi ég.

Bless í bili..

Varmaland 14

2006-09-03T19:57:00.000Z

Já þangað er ég flutt. Þetta verður örugglega ágætis vetur. Ég byrjaði á eftirtektarverðri innkomu.... Mín mætti hálftíma of seint á skólasetninguna, ég var búin að bíta það í mig að hún væri klukkan 15:00. En jæja fólk hefur alla vega tekið eftir að ég var mætt...hhmmm

Svo ætlaði mín að bruna í Varmaland og afferma bílinn. Þessir 15 km leið á milli Bifrastar og Varmalands endaði með klukkutíma löngum bíltúr um sveitina þar sem ég fann ekki Varmaland. Og komst að því í leiðinni að það eru fleiri en ég sem voru búnir að týna Varmalandi, skyldfólk mitt sko....

Dagskráin byrjar á morgun klukkan 9:00. Ég veit ekkert hvað ég á að gera af mér þangað til....

Kannski ég fari bara út að keyra og villist einhvers staðar ;)

Tataraaaaa!

2006-08-27T21:08:00.000Z

Jæja þá er mín bara að fara að skella sér í sumarbústað í Ölfusborgum á morgun. Verð þar fram á miðvikudag. Er reyndar að fara með vinnuna, en þetta á eflaust eftir að verða ljúft.

Það var svo gaman í bænum um seinustu helgi að ég skellti mér aftur á föstudagskveldinu. Og það var bara sérdeilis prýðilegt. Fórum á Ölver, hhmmm, sungum girls just want to have fun með Cyndi Lauper, ekki besta lagið til að taka en það voru allir hvort eð er svo drukknir þarna að það tók ÖRUGGLEGA enginn eftir því.
Missti af partýi, meira að segja 2. En það var allt í lagi, svo sum.

Skólinn byrjar eftir viku, ó mæ god. Hlakka samt soldið til sko.

Svo held ég að ég skelli mér á Akureyri á föstudag í kveðjupartý á Sjallanum. Þar á að vera Singstar og læti.

Jiii, maður hefur varla tíma fyrir þetta allt saman..

Menningarnótt....

2006-08-20T21:42:00.000Z

Já ég komst ekki á hana. Hefði svo sem getað sagt sjálfri mér það þar sem við fórum niður í bæ á föstudagskveldinu.

Chippendales var ágætt, fyrir utan 997 æpandi konur og 70% af þeim reykjandi. Sem olli því að ég missti röddina á frekar óheppilegum tíma...

Djammið var síðan bara skemmtilegt. Kíktum á lífið með Þresti frænda. Svo var okkur boðið í partý. Gat ómögulega munað götuheitið en ég mundi að húsið var númer 22.
Þar skellti ég mér í heita pottinn. Sem var síðan ekki heitur pottur heldur bað í stærri kantinum, svona geimskip eins og Sigrún og Sverrir eiga :)
Sérdeilis prýðileg sú ferð, munaði litlu að ég hefði sofnað.

Svo um 2 og þá meina ég klukkan 14:00 á laugardeginum takk fyrir góðan daginn ákvað ég að komið væri gott og skundaði í íbúðina góðu. Þar var eitthvað minna um svefnfriðinn.

Þegar leið á kveldið tilkynnti ég stúlkunum að ég ætlaði EKKI niður í bæ með þeim. Mér fannst miklu meira spennandi að liggja bara fyrir.
Og missti þar af leiðandi næstum því af flugeldasýningunni. Ég heyrði í henni á laugardagskveldinu og sá hana í fréttunum á sunnudagskveldinu.

Á næstu menningarnótt fer ég ekki á lífið kvöldið fyrir.......

Kvennareið 2006

2006-08-13T19:09:00.000Z

er afstaðin. Þetta var ágætt, soldið langt og farið soldið hægt yfir. En ágætt. Ballið með Von var ágætt líka. Píndi sjálfa mig til að vera á því til 2:30 þá gat ég ekki meir og fékk Rósuna mína til að skutla mér heim. Sjaldan hef ég verið jafn þreytt.

Svo næsta helgi er það menningarnótt í Reykjavík city. Erum við stöllur búnar að fá íbúð á leigu yfir helgina. Er hálf kvíðin fyrir föstudagskveldinu. Rósin mín er búin að kaupa 3 miða á einhverja strippsýningu á Brodway og ætlar hún að bjóða mér og M með. Sjáum til hvernig það fer....

Ó þú.......

2006-08-06T09:37:00.000Z

Var viðstödd brúðkaup í gær. Auður vinkona mín og Davíð giftu sig í Fríkirkjunni í Reykjavík. Brúðurin var í svörtum kjól, ég veit, ekki það algengasta en hún var engu að síður stórglæsileg. Bergþór Pálsson sög í kirkjunni, fyrsta lagið sem hann söng var Ó þú, enginn elskar eins og þú. Frábær söngvari. Ég var farin að halda að það væri einlægur ásetningur hans að fá fólkið í kirkjunni til að fara að grenja, alla vega átti ég afar erfitt með mig. Því fleiri sem lögin urðu því afmyndaðarði varð ég í andlitinu. En ó svo fallegt og þau ótrúlega falleg saman.

En nóg um það. Fór í hestaferð á föstudaginn. Riðum frá Stóru-Borg yfir hópið og til Þingeyra. Vá, hvað það var gaman. Hefði verið til í að fara með þeim til baka í gær, en komst því miður ekki.

Svo fer kvennareiðin að bresta á, laugardaginn 12 ágúst. Það er kominn hugur í mína....

Ó þú...

Unglist!!!

2006-07-26T22:27:00.000Z

Unglistarhátíðin var sett í félagsheimilinu nú í kvöld. Frábært opnunaratriðið þegar Kjartan Óli kom hlaupandi í gömlum , þá meina ég GÖMLUM, Kormáksgalla með eldinn. Lafmóður eftir "hlaupið" með hommaskegg, bara fyndið.

Sýningin var bara mjög góð, frábært hvað útlendingarnir tóku mikið þátt í sýningunni.
Þá er næsta mál Melló Músika annað kvöld, þar syng ég og fleiri, flestir eru á einhvern hátt tengdir mér.... Hæfileikarnir skína svoleiðis af okkur...

Svo er það Ragga Gísla í Borgarvirki á föstudag. Þar ætla ég að "reyna" að tromma eitthvað á trommuna mína, sjáum til hvernig það fer..

Ballið laugardaginn með Buff, verður að fara það. Það er ekki oft böll á Tanganum þannig maður má ekki missa af þessu þó svo eitthvað verði minna um gleðina á manni.

Tók smá upphitun í dag fyrir kvennareið. Ég og Eydís riðum út í Gröf frá Grafarkoti. Mín meira að segja með einn í taumi. Eydís reyndar líka en mitt er mikilvægara...

En sjáumst bara...
á Unglist..

Fótbolti!!!

2006-07-05T21:50:00.000Z

Jæja, fótboltaæfingarnar eru hafnar og ætlum við að að vera uppi í Hvammi á mánudögum og miðvikudögum klukkan 20:00. Í guðanna bænum mætiði sem flestar á næstu æfingu því ég var elst á æfingunni í kvöld, en Jóhanna kom sterk inn á eftir mér.

Annars skrapp ég á Blönduós í dag, þurfti að sækja um nýtt ökuskírteini þar sem mitt gamla er gallað. Þeir gera í því að stoppa mig, löggurnar, þessa dagana og því vissara að hafa þetta í lagi. Konan tók því gamla ökuskírteinið mitt og lét mig hafa bráðabirgðarökuskírteini sem er bæ ðe vei eitt stykki A4 blað. Ég skildi ekkert í því þegar hún neitaði að nota myndina frá því ég var 17 ára mér fannst hún ágæt, stutthærð og fín. En ég kom undirbúin og slengdi nýju myndinni framan í hana.

Þannig að næst og já ég segi næst þegar ég verð stoppuð, örugglega ekki langt þangað til bara búnir að stoppa mig 3 í sumar, þá framvísi ég innrömmuðu plaggi, takk fyrir góðan daginn!!

Gleðitímar!

2006-06-19T23:50:00.000Z

Sumarið er tíminn.....
Það er allt svo æðislegt og frábært. Djembe tromman mín er komin, ótrúlega gott hljóðið í henni. Nú verða strangar æfingar fram að Tónlistargjörningnum í Borgarvirki.

Ég eignaðist minn fyrsta hest á laugardaginn. Hann pabbi minn gaf mér eitt stykki jarp-blesótt folald. Afskaplega fallegt..

Og STÓRU fréttirnar.......................
Ég er að fara í Viðskiptaháskólann á Bifröst næsta haust á frumgreinadeild!! Lífið er yndislegt, sjáðu............

Adios

Helgin..

2006-06-11T20:01:00.000Z

var ágæt. Föstudagurinn frekar pirrandi framan af, illa sofin og svo barvakt. Hún byrjaði ágætlega, var það mestallan tímann en endaði sem hörmung. Fer ekki meir út í það, en mikill pirringur þar á ferð. Laugardagurinn var mjög afslappandi. Við systkynin elduðum saman og var ýmislegt á boðstólum. Endaði svo kvöldið á afslappandi pottaferð um kvöldið, potturinn samt aðeins í heitara lagi en samt í lagi.
Þá er að byrja ný vinnuvika, vinn sem sagt mán, þri, og miðvikudag og fer svo í 8 daga frí. Ahhh, yndislegt allt saman.. 8 dagar :)

Sumarbústaður...

2006-05-26T00:42:00.000Z

Jæja, þá er maður á leiðinni í sumarbústað fyrstu helgina í júní, get ekki beðið. Við stöllur ætlum að grilla, grilla og grilla. Ekki skemmir fyrir að það er heitur pottur og sauna í bústaðnum. Þvílíkur lúxus. Og við þurfum ekki að fara lengra en á Blönduós. Höfum við hugsað að taka með okkur singstar, Buzz og partýspilið. Og aldrei að vita nema við skellum okkur á ball í Kántrýbæ, íííhha. Hjödda, þú verður að kíkja með, er haggi??

Annars þá eru kosningar á næsta leyti, eru ekki allir búnir að gera upp hug sinn. Það hef ég gert í það minnsta....

Adios..

Ooooohhhhhh..........

2006-05-19T10:04:00.000Z

Þetta var rosalega gaman, langar aftur. Spánn 2005.

Einhvern tímann..

2006-05-12T00:35:00.000Z

sagði einhver: "Frelsið er yndislegt, ég geri það sem ég vil". Það er svo satt og svo rétt.

En enníhjú, slysaðist á ball um seinustu helgi. Eftirpartý líka, er öll að koma til í þessu aðveralengiaðdjamma-djammi.

Dagurinn tekinn að lengja, veit einhver nokkuð betra en að labba heim af djamminu þegar sólin er tekin að skína.

Ó, svo ljúft og sumarlegt..

Tónleikar!!!!

2006-05-05T00:26:00.000Z

Jæja gott fólk, við húnvetningar erum sko tónlistarfólk langt fram í fingurgóma. Laugardaginn næstkomandi, þann 6. maí, verða tónleikar í félagsheimilinu á Hvammstanga. Tónleikar þessir eru haldnir til styrktar tónlistarskólanum og kostar aðeins 1000 krónur íslenskar inn. Þar mun verða margt um listamanninn. Meðal þeirra sem koma fram eru hin margrómaða Kampknox ásamt Guðmundi Hólmari, Steini úr Hjálmum, Valdi og Júlli, Kjartan og hinir og Wildberry ásamt barnakórnum. Skemmtunin hefst klukkan 20:00.

Hvet ég alla til að mæta, þetta er skemmtun sem enginn má láta fram hjá sér fara.

Vellí smellí...

2006-05-03T14:54:00.000Z

Prófin byrjuð og skólinn alveg að verða búinn. Sem þýðir að þá fer maður alveg að fara að flytja aftur heim. Get ekki beðið, nenni ekki að vera stundinni lengur í Reykjavíkinni.

Sumarið leggst bara vel í mig. Ég hef ákveðið að reyna að komast sem oftast í sumarbústað og grilla eins og brjálæðingur. Einnig verður mikið um útreiðartúra og ætla ég að fara að hafa augun opin fyrir kaup á gæðing í sumar. Ég hef líka ákveðið að sumarið verði sólríkt með eindæmum, sé fyrir mér í hyllingum fjörðinn heima, spegilsléttan í glampandi sól. OOooooohhh, þetta verður æðislegt sumar, ég finn það á mér.

Með rísandi sól í hjarta kveð ég....

Sumarfílingur...

2006-04-25T00:29:00.000Z

Mínar bara að komast í fíling og verið að plana sumarbústaða/djammferð. Aldrei að vita nema maður dragi einhverja unga pilta með í för. Heitur pottur er skilyrði. Spurning hvort maður leyfi bara fólki að sækja um að koma með.
Skemmtilegheit eru númer 1, 2 og 3. Svo náttla ef að hann Orlando Bloom vinur minn vill koma með, þá get ég eiginlega ekki sagt nei þó að hann sé ekkert sérlega skemmtilegur...

Aldrei að gefa of marga sénsa...

Heiðarleiki er líka stórgóður kostur, eitthvað minna um hann þessa dagana...

AF HVERJU..

2006-04-21T00:39:00.000Z

Fer heimurinn ekki eftir mínu höfði? Ég er farin að fá mínar grunsemdir varðandi tilvist jólasveinsins þar sem það er ekki alltaf það sem ég vil eða óskaði mér í pökkunum. Spurning um að koma með eina ósk í viðbót, kannski 2 og athuga með viðbrögð. En ég get ekki sagt hér hvað ég vil í þessa 2 pakka því þá rætist óskin alveg örugglega ekki. Sjáum til.

Annars páskarnir búnir og blessaði skólinn tekinn við, ég gæti gubbað er ekki að nenna þessu.

Kíkti svo á Bifröst á opna daginn til að kynna mér nám og aðstæður. Fékk exsklúsív leiðsögn um svæðið. Hún Aldís var svo góð að sýna mér í alla króka og kima. Og veitti mér líka þessa sérdeilis greinargóðu kynningu á náminu. Takk kærlega fyrir mig, Aldís.

Líst bara mjög vel á námið og pleisið!

Nóg um það....

Jæja

2006-04-11T19:56:00.000Z

Páskar á næsta leyti og allir að komast í gírinn. Minni alla á BALLIÐ sem er á föstudaginn á Þinghúsinu með hljómsveitinni Ulrik.
Eitthvað er verið að hugsa um að skella sér á Blönduós á laugardeginum. Bara að þræða böllin um páskana.
Eitthvað var verið að tala um singstar fyrir ball, ha hmmmm.

Spurning með pottaferð??

Jæja, bara 1 skóladagur í veeðbót.

2006-04-05T20:16:00.000Z

Þvílík gleði sem það verður að koma heim. Rósin mín er búin að bjóða til kvöldverðar á föstudag og hlakkar mig mikið til. Þetta verður nokkurs konar ríjúníon þar sem hún M stórvinkona mín verður líka í mat. Kallar á mikinn upprifjing, bjór og hvítvín. Spurning um að taka smá singstar í leiðinni. Svo dettum við íða, verðum OFSASÆTAR og förum á karlafar.

Gæti gerst, fyrir utan kannski karlafarið. Það er það eina sem gæti klikkað.
En hvur veit, það er aldrei að vita hvað slæðist inn á staðinn.

Adios mi amigas.

Bara 4 dagar í viðbót..

2006-04-03T22:13:00.000Z

og þá byrjar páskafríið. Það stendur yfir í eina og hálfa viku. Hlakka mikið til. Eini ókosturinn er að komast ekki í hreyfingu. En ég hlýt að geta fundið mér einhverja hreyfingu til að stunda þarna. Hjöddan er búin að lofa að taka mann með á hestbak og sonna.

Annars er búið að redda húsnæðisvandamálunum. Minn elskulegi bróðir og hans spúsa grátbáðu mig um að búa hjá sér. Og hvernig gat ég annað en sagt já. Þetta á samt örugglega eftir að vera svolítið furðulegt. Ég og Hannes bróðir höfum ekki búið saman frá því að ég var 11 ára. Það eru nokkur ár síðan það var.

Svo er bara gleði, gleði, gleði.

Ísland, best í heimi.

2006-03-29T14:51:00.000Z

Fegin er ég að vera íslendingur. Því út í Indlandi var þrítugur maður sem í svefni sínum muldraði orðið "talaq". En það þýðir skilnaður á úrdú-máli. Og lög múslima eru þannig að maður þarf einungis að segja "Ég skil við þig" þrisvar sinnum til að fá skilnað. Þetta kvissaðist út þannig að núna þarf maðurinn að fara frá konunni sinni. Þau geta náttúrulega bara gifst aftur, en til að gera það þá segja lögin að þau verði að vera aðskilin í 100 daga og konan þarf að sofa hjá öðrum manni. Þar sem þau vilja ekki framfylgja þessum lögum þá eiga þau á hættu að vera útskúfað frá þeirra samfélagi.

Og ég endurtek, Guði sé lof að ég er íslendingur.

Föstudagskveld í Reykjavíkcity.

2006-03-25T02:03:00.000Z

Eyddi þessu yndisfagra kveldi að mestu leyti í að fara yfir enskuverkefnið hennar Þorbjargar elsku í MacBeth. Gaman það, er þó ekki alveg búin.
Aldrei þessu vant þá setti ég dvd í tækið, þar sem ég var að passa. Four brothers varð fyrir valinu. Snilldarmynd þar á ferð. Var búin að heyra að hún væri góð, en hún var betri en ég bjóst við. Mæli með henni.

Svo hugsanlega er það bara "the blue lagoon" á laugardagseftirmiðdeginu með fáum VEL útvöldum af minum elskulegu fjölskyldumeðlimum.

Eitt er ég búin að vera að hugsa um. Ætti ég að vera hárgreiðslumódel á mánudaginn fyrir Unika. Það þýðir að hárið væri litað eftir nýjustu tísku, guð má vita hvernig hún er, og KLIPPT eitthvað, veit ekki hvursu mikið. Málið er að mér þykir ofsalega vænt um hárið á mér. Það er að segja síddina á því. Það er búið að taka ágætis tíma að komast í þá sídd sem hárið er í núna.

Vott sjúd æ dú????

Hvar..

2006-03-22T22:22:00.000Z

á ég eiginlega að búa á Hvammstanga í sumar? Fer norður að vinna í sumar en vantar húsnæði!!! Let mí nó if jú nó enníþing!

Jæja Silli, ég bloggaði þó.

Páskafrí..

2006-03-16T21:28:00.000Z

Páskafríið byrjar eftir 3 vikur, þá er bara að bruna norður og taka æfingar fyrir trúbadorakvöldið. Planið er að ég og Hannes bróðir ætlum að taka nokkur lög saman. Sigrún systir ætlar líka eitthvað að syngja. Pabbi vill endilega að við drögum Magnús líka með í þetta. Hins vegar veit enginn hvort að hann geti sungið, það er kannski ekki fyrir öllu.

Eigum við ekki bara að segja það að Magnús verði með....

Söngvarakeppnin

2006-03-13T22:29:00.000Z

fór á annan hátt heldur en margan grunaði, og er ég ekki sú eina um þá skoðun. Fékk eitt símtal í dag þar sem viðkomandi var að lýsa undrun sinni á niðurstöðu dómnefndar. Ég var líka mjög hissa. Ég mundi vilja sjá hverjir fengu flest stigin og fá síðan dómnefnd til að útskýra val sitt!

Ja ekki vil ég hafa sömu dómnefnd að ári....

Dans, dans, dans..

2006-03-06T23:15:00.000Z

Ég var að fá glymrandi góða hugdettu. Í laginu sem ég tek á söngvarakeppninni er smá sönglaus kafli. Er ekki einhver sem býður sig fram í að dansa á sviðinu í þeim kafla? Þetta er gríðarlegt tækifæri fyrir unga sem aldna einstaklinga til að koma sér á framfæri, miklir atvinnumöguleikar gætu blossað upp. Svo gætu verið verðlaun.....

Ha, koma svo..

Brúðkaup..

2006-03-04T17:33:00.000Z

Hannes bróðir og Þorbjörg giftu sig í dag 4. mars á 30 ára afmælisdegi Hannesar. Þetta var svona surprize fyrir flest alla. Þetta er búið að vera erfiðasta leyndarmál sem ég hef nokkurn tímann þurft að halda. Ég söng einsöng í kirkjunni án undirleiks, það var ekki fallegt. Það var það eina sem klikkaði við brúðkaupsdaginn þeirra. Reyndar hef ég smá afsökun, ég vaknaði í morgun nánast raddlaus. Því var skundað í hádeginu á Þinghús-bar þar sem Aldís reddaði einu Wiskhey skoti, þvílíkur viðbjóður sem það var. En held að það hafi hjálpað aðeins til.

Ég held að maður haldi bara áfram....

Söngvarakeppnin

2006-02-28T00:18:00.000Z

nálgast þannig að mín er á leiðinni norður um helgina á lokaæfingar. Einnig fagnar elskulegi bróðir minn sínum 30 árum og bíður í kökur og fínerí fyrir vel útvalda á laugardegi. Njomm njomm hlakka mikið til. Það væri nú yndislegt ef að það yrði rommterta á boðstólum, mmmm. Þykist ég viss um að það verði ostar og með því, arrgggghhh(borið fram með Hómer Simpson stíl).
Annars var kíkt á lífið á laugardag og ég held að ég sé bara hætt að fara á djammið, þetta er bara ekkert gaman lengur. Það er alltaf troðið alls staðar og svo tekur eyðitíma að ná í leigubíl til að komast heim. Ég tala nú ekki um ef að það er grenjandi rigning.

En Hvammstangi her æ kom!!

Ég hef oft

2006-02-24T01:13:00.000Z

velt því fyrir mér hvað veldur því að við förum alltaf í sama farið aftur. Hvað ætli það sé? Eitthvað sem að maður hafði áður reynt og var frekar misheppnað, en samt fer maður aftur í sama farið og vonast eftir annarri útkomu. Einhvers staðar las ég "Það sem einu sinni er brotið fæst ekki bætt". Ætli það sé algilt.
Ég vildi líka að kynin væru líkari þá væri allt ekki svona mikið vandamál. En konur eru of flóknar og karlar eru frekar einfaldir, ekki illa meint. Systir mín vill meina að ég þekki bara eða hitti bara hálvita en það má nú deila um það.
Jón Þór Mundabróðir, sem á bæ ðe vei æðislegustu og bestustu sjoppuna sunnan alpaheiða, vill meina að ég stundi röngu staðina. Kári vinur minn reynir stöðugt að blanda Guði inn í málið en ég er bara ekkert viss um að ég og Guð höfum sama smekk á karlmönnum, frekar en ég og systir mín. Pabbi vill hins vegar að ég sé bara ein heima. Kannski það sé bara besta meðalið.
Hvað ætli málið sé??

Jii, hvað það...

2006-02-20T14:30:00.000Z

er gaman að vera til. Var að klára heimildaritgerðina sem ég á að skila á morgun, fjúff. Þá hef ég tíma til að þrífa fallega bílinn minn áður en ég fer í hreyfingu, æði.

Helgin var fín, gaman að fara á söngvarakeppnisæfingar, sérstaklega þegar stressið og feimnin er farin. Helgin fór samt mest megnis í vinnu en skellti mér þó aðeins á barinn á laugardagskveldið, sem var sérdeilis prýðilegt. Lenti meira að segja í eftir partýi. Dóri klikkar ekki með gítarinn.

Svo fer maður bara að byrja í nýju vinnunni í vikunni, hlakka soldið til.....

En svo er að koma sumarbústaðafílingur í mig, það væri nú gaman að fara í smá gelluferð upp í sveit, jafnvel með partýspilið. Er mér mjög minnistætt húsmæðraorlofið í sumarbústaðinn á Giljá. Það var stuð.

Klukk!!

2006-02-13T17:50:00.000Z

4 störf sem ég hef unnið á um ævina:
1. Söluskálinn á Hvammstanga
2. Á stöðinni
3. Skúlason
4. Fréttablaðinu

4 bíomyndir sem ég gæti horft á aftur og aftur:
1. A lot like love
2. Lord of the rings
3. Bridget Jones diary
4. Somethings gotta give

4 staðir sem ég hef búið á
1. Hvammstangi
2. Reykjavík
3. Akureyri
4. Sauðárkrókur

4 sjónvarpsþættir sem mér líkar:
1. Desperate housewifes
2. Sex and the city
3. Friends
4. That 70's show

4 síður sem ég skoða daglega fyrir utan blogg:
1. Heimabankinn
2. bloggið mitt
3. hotmailið
4. margar aðrar bloggsíður

4 staðir sem ég hef heimsótt í fríum:
1. Holland
2. Benedorm
3. Þýskaland
4. Belgía

4 matarkyns sem ég held uppá:
1. Léttreyktur lambahryggur
2. Léttreyktur svínahryggur
3. Kjötbollur m/brúnni sósu
4. soðnar kjötfarsbollur

4 staðir sem ég vildi heldur vera á núna:
1. Spáni
2. Væri til í að skreppa á Akureyri
3. London baby!
4. Bifröst

8 bloggara sem ég klukka:
Ég nenni ekki að klukka neinn..

Cómo estás?

2006-02-08T23:21:00.000Z

Það vona ég að hún M Sól lesi bloggið mitt þar sem spænsk orð fara að verða æ tíðari í skrifum mínum.

Vitiði hvað þetta þýðir, viljiði giska???

Annars þá er ég ekki búin að kaupa fávitafæluna. Ætla að láta það bíða aðeins, þangað til ég vinn í lottóinu.

Eða hvað þýðir "Yo vivo hoy"?

Hasta luego!!

Aldur....

2006-01-27T19:22:00.000Z

Einhvern tímann sagði einhver að aldur væri afstæður.

Það er bull, stundum líður manni eins og fornaldargrip í skólanum. Manni finnst eins og fólk stari og bendi. Þó að ég sé ekki há í aldri þá er ég samt ekki að útvarpa því í skólanum meðal samnemenda minna hvað ég sé gömul.

Ég reyni jú að klæða þetta af mér en sumt er bara ekki hægt að fela!

Annars þá vantar mig peninga, væri ágætt ef fólk myndi bara leggja inn á mig. Reikningurinn er hjá Sparisjóðinum á Hvammstanga, ekki SPRON.

Kennararnir mínir eru flestir ágætir. Fyrir utan 2. Sá leiðinlegri er stærðfræðikennarinn minn. Svo leiðinlegur er hann að ég finn þörf fyrir að beita hann líkamlegu ofbeldi.
Hinn er íslenskukennarinn minn, eftir hverja einustu setningu hjá honum kemur "Ég bið ykkur um að kunna þetta", eða "Ég ætla að biðja ykkur um að læra þetta."

Annars er þetta ágætt. Vissi samt að ég ætti eftir að lenda í ógæfu.

Ég fór í nornabúðina í dag, held að ég ætli að fjárfesta í fávitafælu sem fæst þar. Gaman að sjá ef hún virkar.....

Hasta luego!

Úffff....

2006-01-23T16:28:00.000Z

Jæja, þá held ég að maður sé tilbúin til að minnka drykkjuna, bæði skiptin og magnið sem innbyrgt er hverju sinni. Ég ætlaði nú ekkert að gera á föstudagskveldinu en þar sem mér leiddist svo mikið þá ákvað ég að fara niður í bæ. Hefði nú betur sleppt því...
Fór inn á Dubliners og þar var jakkanum mínum stolið, en ég nennti nú ekki að hugsa um það. Var þá arkað á bolnum á Amsterdam. Já ég veit hvað fólki finnst um þann stað og ekki orð um það meir. Þar má segja að ég hafi látið eins og fífl, ætla nú ekki að fara nánar út í það. En ég vil láta í ljós að ég hefði ekki verið með þennan fíflaskap ef að ég hefði passað drykkju mína. Og það endaði svona og svona.

Ég fór líka á djammið á laugardagskveldinu, ennþá hafði ég ekkert annað að gera. Það kvöld fór ég með pela af Tópas niður í bæ, sá peli kom ekki með aftur heim. Eitthvað þarf maður að fara að endurskoða bæjarferðir. Hegðaði mér reyndar aðeins betur á laugardagskveldinu. Og fór tiltölulega snemma heim, sökum of mikillar drykkju.

Ekki meir fyrir mig

Smá bömmer í gangi....

Gellufundur!!!

2006-01-17T00:11:00.000Z

Varð að henda hér inn einni mynd sem var tekin af gellufundi í Breiðholtinu eftir áramót.

Hola, buenas dias.

2006-01-11T10:58:00.000Z

Mín bara byrjuð að læra spænsku. Líst voðalega vel á öll fögin sem ég er í. Fullt af fólki sem ég þekki í skólanum, eitthvað annað en síðast þegar ég var í FB, þar á meðal Egill Sverris, sem er by the way með mér í 2 tímum, og Villi Villa Vallason.
Byrjuð að vinna líka, finnst hálf asnalegt þegar fólk spyr mig: Hvar vinnurðu? Og Ég svara: Á Stöðinni. Minnir mann á eitthvað allt annað en sjoppu.
Fór í gær og keypti mér kort í Hreyfingu. Fékk alveg svaka pakka með þessu, tösku, bol, brúsa, bláa lóns vörur og auka mánaðarkort í Hreyfingu sem ég get gefið einhverjum.

Jæja ætla að skella mér norður um helgina og vinna á barnum bæði kvöldin til að fá smá pening. Það er aðeins dýrara að lifa í Reykjavíkinni heldur en í sveitasælunni.

En þarf að bruna í spænskutíma

Síja...

Reykjavíkin..

2006-01-04T10:28:00.000Z

Jú þá er maður komin í Reykjavíkina. Það er búið að vera rok og rigning frá því að ég kom, æðislegt það.

Ég var einmitt að ná í stundatöfluna mína í morgun, það vill svo einstaklega heppilega til að ég er skráð í tvo fög sem ég var að klára í fjarnámi fyrir áramót. Ég var einmitt að vona að ég þyrfti ekki að standa í töflubreytingarveseni, en nei nei það verður bara rise and shine á föstudagsmorgun til að breyta þessu. Ég er nefnilega ekki manneskjan til að vera í röð eða að þurfa að bíða eftir einhverju. Helst hefði ég þurft að breyta þessu í gær...

En þetta hefst allt saman....einhvern veginn.....

Gleði gleði!!!

2005-12-24T17:22:00.000Z

GLEÐILEG JÓL ÖLL SÖMUL OG FARSÆLT KOMANDI ÁR!!

Ég vissi það alltaf...

2005-12-12T22:02:00.000Z

Your Personality Is

Guardian (SJ)

You are sensible, down to earth, and goal oriented.
Bottom line, you are good at playing by the rules.

You tend to be dominant - and you are a natural leader.
You are interested in rules and order. Morals are important to you.

A hard worker, you give your all at whatever you do.
You're very serious, and people often tell you to lighten up.

In love, you tend to take things carefully and slowly.

At work, you are suited to almost any career - but you excel in leadership positions.

With others, you tend to be polite and formal.

As far as looks go, you are traditionally attractive. You take good care of yourself.

On weekends, you tend to like to do organized activities. In fact, you often organize them!

The Three Question Personality Test

En ekki hvað!

Ég er fórnarlamb...

2005-12-12T21:27:00.000Z

slæmra ákvarðanna minna. Þess vegna hef ég gefið ákvörðunarrétt minn í hendur hennar Auðar. Mun hún vísa mér rétta leið með því að taka ákvarðanir fyrir mig.

Ástæða fyrir þessum umskiptum er afar lélegt persónumat mitt á hinu kyninu. Sem hefur valdið því að í dag er ég orðin paranoiaður geðsjúklingur til að lýsa ástandi mínu sem réttast. Í raun má segja að hún verði lífsþjálfari minn fyrir utan það að hún fær ekkert borgað fyrir, nema ánægjuna að sjálfsögðu.
Hver veit nema ég breytist í eina af þessum manneskjum sem eru alltaf alveg óþolandi glaðar og ekkert virðist koma þeim í uppnám.

Bjöggan kveður í Sólskinsskapi

Jæja Jón.....

2005-12-09T23:10:00.000Z

Ég vona að þessi sé skárri!
Ekki það mér fannst hin fín en greinilega fannst öllum öðrum það ekki.

Annars þá hef ég ákveðið að stofna leynifélag.

Ég segi ekki meir þar sem þetta er leynifélag.

Jú, sæl veriði!!

2005-12-04T23:20:00.000Z

Aldrei hef ég verið jafn tímanlega í jólastússi. Ég er bara búin að kaupa allar gjafirnar og byrjuð að skrifa jólakortin. Ætli það verði ekki bara til þess að ég gleymi að senda kortin eða eitthvað álíka.
Annars þá er ég bara að bíða eftir jólunum núna. Ég og Rósa tókum smá forskot á sæluna og elduðum okkur léttreyktan hamborgarahrygg, njomm njomm. Með bökuðum kartöflum og fíneríi, meira að segja jólaöl í glasi. Þetta voru okkar eigin "litlu jól". Reyndar var ekki skipst á neinum lukkupökkum en ég á kannski eftir að ræða það aðeins betur við hana.

Prófin eru í vikunni, ég nenni nú ekki að læra undir þau. Langar frekar að dást að nýja örbylgjuofninum sem hann faðir minn var að gefa mér í jólagjöf. Það er nú heimilistæki í lagi!!!

Jæja, svo fer að líða að suðurferð..

Speki dagsins!

2005-11-20T01:14:00.000Z

"Þolinmæði þrautir vinnur allar".

Ég er ekki að nenna þessu...

2005-11-19T23:50:00.000Z

En jæja.
7 hlutir sem ég ætla að gera áður en ég dey.
Fara aftur í framhaldsskóla
Fara á Bifröst í skóla
Kaupa mér hús
Fara í ferðalag hjá Varmalandi og þar um kring
Vinna söngvarakeppnina á Hvammstanga
Eignast hest
Fara í sauðburð og koma actually við lambið.

7 hlutir sem ég get
Sungið
Prjónað lopapeysu
Hlaupið, loksins
Lært, allt nema stærðfræði
Skipt um peru í bílnum mínum
Lagað skottið á bílnum mínum
Dansað djive og tjútt og salsa
Þar fyrir utan þá get ég allt

7 hlutir sem ég get ekki
Hhhmmmmmmm......
Farið á fyllerí og mætt í vinnuna kl 10 daginn eftir
Lært stærðfræði, en það mun koma
Komið við eitthvað slímugt og ógeðslegt án þess að kúgast
Tekið bílinn minn sjálf í olíuskipti
Gleymt atvikum, veit ekki hvort er kostur eða galli??
úffff, og hvað meir...
Sleikt olnbogann á mér
Gert ALMENNILEGAR armbeygjur

7 hlutir sem heilla mig við hitt kynið
Falleg augu
Fallegt bros
Húmor
Hreinskilni
Góðmennska
Gáfur
Heiðarleiki

7 frægir sem heilla mig
Jude Law
Colin Farrel
Brad Pitt
Josh Hartnett
Ryan æi, lék í Van Wilder
Orlando Bloom
Clive Owen

7 orð eða setningar sem ég segi oft
Já, er það
Ég get svo svarið fyrir það
Nehei
Ha
Ég trúi þér ekki
Jesúss og goss
Góðan daginn

7 hlutir sem ég sé núna
Ferðatalvan mín
Lite
Sjónvarp
nótnastandur
Diesel rautt ilmvatn
Camembert
Ritz kex

Þetta krafðist rosalegrar hugsunar, sérstaklega "7 hlutir sem ég get ekki gert", það var strembið.

En það hafðist.....

Jólin....

2005-11-14T21:01:00.000Z

Þau eru alveg að koma. Skrapp suður með Rósunni í vikunni sem leið og gerði smá jólainnkaup. Náði að versla gjafir handa nánast öllum. Svo er mín bara líka byrjuð að vesenast í jólakortum, ég ákvað að ég myndi ekki vera á síðustu stundu með allt þetta árið.

Laugardagskvöldið síðasta var frábært. Hélt smá matarboð og singstar-teiti. Heppnaðist bara prýðilega. Allir voða fínir, alveg eins og jólin. Svo skunduðum við 5 píur á ball. Voða gaman. Held að mín hafi fengið aðeins of mikið af Hot'n'sweet-inu hjá Ellu, alla vega segir sagan að ég hafi skilið eftir mig frekar skrikkjótta slóð á leiðinni heim.

En matarboð aftur fljótlega, hverjir koma??

Ég held..

2005-10-31T21:37:00.000Z

Að það séu álög á mér.

Þá er spurningin hver lagði þessi álög á mig?

Og hvernig losna ég við þau???

Hasar!

2005-10-25T23:55:00.000Z

Það var sko hasar í vinnunni minni í dag. Það varð bara eitt stykki meiriháttar mengunarslys á bílaplaninu hjá Söluskálanum á Hvammstanga í dag. Dælan á bensínbílnum hjá dælumönnum Skeljungs bilaði, þannig að í staðinn fyrir að slá af sjálfkrafa þegar tankurinn væri orðinn fullur þá hélt hún áfram að dæla. Þá fór að frussast bensín upp úr tveim rörum sem eru við endann á sjálfsafgreiðsludælunum. Samanlagt hafa farið um 200 lítrar af bensíni á húsið sjálft og planið. Til lukku þá höfum við svo myndarlegt slökkvilið á staðnum. Þeir hreinsuðu bensínið á "no time".

Eftir að hafa orðið vitni að þessari hetjulegu björgun hjá slökkviliðsmönnum þá finnst mér frekar heillandi að vera slökkviliðsmaður. Ætti ég ekki bara að hætta við að fara í skóla og gerast "full-time" slökkviliðsmaður?
Nei annars, byrja á skólanum. Svo kannski seinna meir þegar ég er búin að læra og koma mér fyrir einhvers staðar þá er bara að ganga í næsta slökkvilið. Það held ég nú.

Búin að fá fartölvuna. Hún er eiginlega hálf tilgangslaus... Eða alla vega þessa stundina, það vantar allt word og svoleiðis dæmi í hana. En því verður "installað" á morgun.

Fékk eitthvað email eða keðjubréfaemail sent í dag. Og ég þorði nú ekki annað en að senda það strax til að verða ekki fyrir ógæfu og fá gæfu og jarijari. Jæja maður átti að bíða í jafn margar mínútur og aldurinn segði til og þá myndi síminn hringja. (Þetta var svona dæmi þar sem að óskin manns rætist). Ég get sagt ykkur það að það er kominn 5 sinnum minn aldur og engin hringing. Ég er farin að hallast að því að þetta hafi bara verið plat....

Nóg í bili..

Ég er...

2005-10-18T00:50:00.000Z

búin að komast að því að það er ekki ég sem er léleg að halda sambandi við fólk. Ákvað nefnilega að gera smá tilraun og hún fór á þann veg sem ég hélt!

Alla vega, er að fara að kaupa mér fartölvu í vikunni, þar sem ég er á leiðinni í skóla eftir áramót. Held ég verði bara guðs lifandi fegin að losna héðan. Það er hvort eð er ekkert að hafa hérna eða gera.

Svo er spennandi næsta helgi, skoða júgur á rollunum í Böðvarshólum. Hef aldrei lent í svoleiðis sveitastörfum áður.

Svo er spurning hvort að ég fái elsku Þorbjörgu frænku til að læra með mér, og þá actually LÆRA í þetta skiptið.

BLE....

Tónlistarsaga..

2005-10-13T21:19:00.000Z

Ég var að koma úr fyrsta tímanum í tónlistarsögu sem ég hef getað mætt í síðan ég byrjaði að æfa söng. Var ekki alveg að nenna, en fór nú samt. Ég verð nú bara að segja að mér fannst þetta mjög áhugavert. Í tímanum í kvöld var verið að tala um tónlist, byggingarlist og málverk frá miðöldum. Tíminn leið alla vega hraðar en ég hélt. Og bara við það að sitja þarna í rúman klukkutíma þá áttaði ég mig á því hvað ég sakna þess að vera í skóla. Já, mér leiðist að vera ekki að mæta í tíma. Ég er nú alveg að læra núna, en það bara er ekkert eins og að fá kennslu. Maður skilur allt svo miklu betur. Já ég fer í skóla eftir áramót.

En veit einhver um herbergi eða húsnæði sem ég get leigt gegn vægu gjaldi annað hvort á Akureyri eða í Reykjavík eftir áramót? Það verður nefnilega annað hvort VMA eða FB.

En framundan er vinna í fertugsafmæli hjá Kjartani og Kalla. Það eru blendnar tilfinningar gagnvart því kvöldi, gleði eða kvíði. Fullt fólk á fertugsaldri, ekkert rosalega góð blanda.....

Reykjavíkurferðin..

2005-10-03T12:05:00.000Z

..var sérdeilis prýðileg. Sleppti því sem sagt að fara á stóðréttarballið og fór suður til Auðar og Davíðs. Þar grilluðu þau alveg ótrúlega góðan mat. Enduðum við síðan 3 í partýspilinu, rólegasta drykkjuspil sem ég hef farið í en samt gaman. Svo kíktum ég og Auður út á lífið og ég vil taka það fram að það var ekki bara farið á staði sem ég vildi fara á. Leigubílaferðin kostaði næstum því 2000 kall, vááá hvað verðið hefur hækkað. Og talandi um verð breezer og svoleiðis sull kostar 900 krónur á börunum. Það er greinilegt að olíugjaldið hefur áhrif á fleira en leigubílana. Við sem sagt röltum út um allt aðallega fram og til baka frá Pravda og Kaffi Viktor. Alveg finnst mér ótrúlegt hvað það myndast alltaf löng biðröð á Dubliners. Við héldum að það væri einhver svaka hljómsveit að spila, nei nei það var Smack...

Hittum svo Kidda á króknum og drógum hann með okkur út um allt. Viti menn, ég var á djamminu alveg til 6 eða 7, ha og geri aðrir betur. Svo tók ég eftir því í dag að ég er hálf marin á ristinni. Það steig nefnilega strákur á mig á laugardaginn, ekkert rosalega þægilegt.

En gerðist ekkert á þessu balli???

Hollusta og hreyfing!

2005-09-28T13:16:00.000Z

Jiii, ég er orðin háð hreyfingu og matarræði. Aldrei datt mér í hug að það gæti verið svona gaman. Reyndar er það ekkert alltaf gaman, stundum langar mann alveg ofsalega mikið í súkkulaði, en það er bara harkan sex. Fann eina alveg ofsalega skemmtilega síðu, þjálfun.is. Mæli með henni.

Loksins er ég búin með lopapeysuna!! Sem þýðir að ég geti byrjað á næstu, hef hugsað mér að gera tvær í viðbót. Hún heppnaðist reyndar ekki alveg eins og ég vildi, en það gengur bara betur næst.

Annars er ekkert að frétta, ógeðslegt veður.
Nagladekkin, úfff...

Klukk hvað.....

2005-09-23T16:24:00.000Z

Jæja Sigga hér kemur þetta.

1. Ég er fædd 11.11.81. sem er mjög auðvelt að muna þó svo margir virðast gleyma því!!!!!

2. Ég er ekki með dökkbrúnt hár í alvörunni, ég lita það.

3. Það eru mörg ár síðan botnlanginn var tekinn, því er ég botnlangalaus.

4. Ég er rosalega dugleg að kaupa mér óþægilega skó og oft of litla eða of stóra.

5. Mér finnst ofboðslega gaman að fara á hestbak.

Og þá ætla ég að klukka Hjöddu, Brynju og Huldu. (Ef að þið eruð klukkuð þá þurfið þið að skrifa 5 staðreyndir um ykkur.)

Bæjó....

Lítið...

2005-09-22T22:50:00.000Z

...að gerast hjá minni þessa dagana. Ræktin, læra, göngutúrar, vinnan, söngtímar einu sinni í viku. Er reyndar að hugsa um að ríða með heim á Böðvarshóla úr stóðréttunum en það er náttúrulega bara til að koma mér á framfæri í kvikmyndaheiminum :).
Ef þið vitið um eitthvað húsnæði endilega látið mig vita. Mig vantar eitt svoleiðis.

Lopapeysan er búin að vera "alveg að verða tilbúin" alveg heillengi. En eins og ég segi "hún er alveg að verða tilbúin".

Lítið meir....

Púlsmælirinn..

2005-09-15T13:03:00.000Z

er kominn í hús, jeij. Ætla að vígja hann hjá Mikka á morgun. Ja nema ef ég get ekki beðið þá skelli ég mér bara í göngutúr í kvöld.

Las nýjustu vikuna í gær og sá þar viðtal við konu sem borðaði sig granna. Hún var reyndar líka í einkaþjálfun þannig að ég held að hún hafi ekki bara borðað sig granna. En alla vega þá var uppskrift að tómatsúpu þar. Hljómaði voða girnilega. Þannig að ég skundaði í búðina og keypti hráefnið í súpuna, uppskriftin var fyrir vikuskammt. Svo tók ég mig til og eldaði hana áðan. Ég held að hún hafi ekki alveg tekist hjá mér, var líka soldið sterk. Held að það hafi stafað af of mikilli tabasco-sósu, ég sturtaði bara aðeins úr því það stóð ekki hversu mikið ætti að setja. En ekki fer ég að henda súpunni, þannig að hún verður í hádegismat hjá mér út vikuna. Og kannski eftir vikuskammtinn verður hún það besta sem ég fæ........

Æji annars ble.

Jessúss!

2005-09-13T16:34:00.000Z

Guði sé lof fyrir rólegan eftirmiðdag í vinnunni í dag, annars hefði ég ekki getað skilað sálfræðiverkefninu í tæka tíð. Sjáum nú til hvaða viðbrögð ég fæ við vinnunni á verkefninu, hef aldrei náð að rumpa einu verkefni af á jafn stuttum tíma. Svo þarf ég að reyna að nýta frítímann næstu 2 daga og vinna upp, er eftirá í öllu. En verð enga stund að vinna það upp.

Ballið um síðustu helgi var ágætt, leið samt heldur langur tími á milli laga er maður að heyra. Ekkert mission var á minni, en kannski að einhver önnur hafi verið með sitt eigið mission. Held ég sé orðin of gömul fyrir svona lagað og bara einfaldlega hef ekki þor í svona lagað. En aðallega samt of gömul.

En hafiði tekið eftir að því að eftir því eldri sem maður verður því minna verður um sénsanna. Kannski að gamalmannalyktin byrji snemma að koma og ágerjist með árunum. Ætli það sé fótur fyrir þessu???

Tútturnar!!!

2005-09-07T23:35:00.000Z

Já þá er maður bara komin í sauma/prjónaklúbb. Stofnfundur var haldinn í gær og var einróma samþykki með nafnið "tútturnar". Kannski ekki seinna vænna að byrja í prjónaklúbb, ég fer að vera búin með peysuna sem ég er að prjóna. Strax var farið í ýmis plön og ráðabrugg. Ég get lítið farið út í smáatriði en ég get sagt ykkur að mörg þessi "mission" sem verða farin og plönuð munu fara fram á öldurhúsi bæjarins eða skemmtistöðum sveitarinnar, og verður fólk þá oftar en ekki undir áhrifum gleðigjafa. Sjáum nú til, strax dansleikur nú um helgina, ? með hvernig "mission"......

Annars skólinn var að byrja bara áðan og ég er strax að falla á tíma með verkefnin, það þýðir ekkert annað en að vera þolinmóður. Og ég er líka svo góð í því.....

Sjáumst í réttum, alla vega örugglega á balli....

Geydís!!

2005-08-31T14:08:00.000Z

Haldiði að hún Dísa sé ekki bara farin að blogga. Ekki veit maður hvort hún eigi eftir að setja mikið þar inn sökum annríkis, ef þið vissuð það ekki þá er hún oft að drífa sig. En byrjar vel hjá skvísunni, búin að setja mynd inn og læti.

Annars er lítið að frétta af mér, held áfram að hamast í ræktinni, BÍÐ eftir að sjá árangur, þolinmóða ég! Var að fá glænýja rúðu í bílinn minn, sem glansar líka svona rosalega fallega.
Fyrsti söngtíminn var á föstudaginn og ég held mér lítist bara ágætlega á þetta allt saman. Og rúmið kom á föstudaginn og það er ÆÐISLEGT. Ég hef mig varla úr því.
Svo eru réttir á næsta leyti, langar soldið að kíkja á ballið í Ásbyrgi á laugardaginn. Gaman væri að sjá hvernig hún Heiða úr Idolinu stendur sig á balli. Annars var ég að hugsa um að fara í smá drykkjupásu, veit ekki alveg hvernig það heppnast með allt þetta geim sem er framundan..

Starfsmannadjammið...

2005-08-24T18:27:00.000Z

Var æðislegt. Byrjað var að fara í smá siglingu með Ákanum og þar var drukkinn fordrykkur. Asti eitthvað, sem betur fer fékk ég bara 2 glös af því annars hefði kvöldið örugglega endað allt öðruvísi. Mér finnst Asti Gancia og solleiðis nefnilega alveg ofsalega gott, það rennur betur niður en vatn. Er mér þá hugsað til verslunarmannahelgarinnar, þar drakk ég ansi mikið af Asti gancia og það endaði líka á sinn stórglæsilega hátt. Var reyndar soldið þröngt á Ákanum en gaman. Svo var komið aftur á Þinghúsið og þar var byrjað að bera fram þennan dýrindismat. Þetta var 3ja rétta dæmi, rosalega gott. Og að sjálfsögðu frír bjór með. Eftir mat var kominn ferðahugur í okkur stöllur og var haldið á Laugenbakken í afmæli til Brynju, og þar var meiri frír bjór. Stoppuðum þar í smá stund og svo var farið aftur á barinn. Það fyrsta sem ég geri þegar ég kem inn er að grípa hljóðnemann og fara í keppni við Valda. Laus við alla hræðslu við að syngja fyrir framan aðra, sem var kannski ekki skrýtið þar sem ég var soldið ölvuð. Vann Valda en held ég hafi tapað fyrir öllum öðrum. Endaði svo með því að læðast bókstaflega heim kl 00:40. Og geri aðrir betur!

Annars þá verslaði ég eitt stykki rúm á mánudaginn, hlakka voðalega til að taka það í gagnið á föstudaginn. Tónlistarskólinn byrjar líka á föstudaginn og fjarnámið. Ooooog keypti líka hnakk í gær. Það borgar sig sko að vinna í Söluskálanum á Hvammstanga. Svimandi há laun maður. En bara bíða eftir föstudeginum, margt skemmtilegt þá......

Ingunn Rikk.

2005-08-19T18:07:00.000Z

Vissuð þið að sambýlingur minn heitir Ingunn Rikk.? Hún er cirka 1,67 á hæð með brúnt hár og augu :). Hún er mjög handlagin, er þessa stundina að glíma við lopapeysu. Hún er mjög vel liðin bæði af samstarfsfólki, vinum og náttúrulega fjölskyldu. Einn af hennar hæfileikum er að hún getur lagst niður og sofnað í 15 mínútur og vaknað með hárið eins og hún hafi lent í raflosti, án þess þó að hreyfa sig meðan á blundi stendur. Hún er þessa stundina á lausu. (Eins og reyndar sambýliskona hennar, ég). Og svo ilmar hún líkla svona vel.
Þetta blogg var sem sagt tileinkað henni Ingunni elsku, þar sem við vorum að ræða um að ég skrifaði ekki nóg um hana hér.
Gjör'svo vel Ingunn mín ;)

Jessúss og goss...

2005-08-17T10:58:00.000Z

Ég byrjaði hjá Mikka í gær. Bara búin að fara tvisvar og ég er strax að drepast úr strengjum. Reyndar gat ég ekki teygt á í gær af því að ég var að verða of sein í vinnuna.
Eitt sem mér finnst alveg ótrúlegt, það er aldrei róleg helgi hjá manni. Annað hvort er maður löngu búin að plana að gera eitthvað eða einhver að halda upp á afmæli og svo loksins starfsmannadjamm. Allt eitthvað sem maður getur ekki sleppt. Núna um helgina er hún yndislega Brynja að halda upp á sín 25 ár og ég held Dolli líka. Dolli er nú reyndar ekki búinn að bjóða mér.... Kannski að maður hringi í kallinn til að minna á sig...... Nei nei.
Hlakkar líka soldið til staffadjammsins hjá Þinghúsinu, þar sem cirka hálfur Hvammstangi er að vinna þar þá ætti að verða gaman.
Eeeen hlakka náttúrulega MEST til að fara í afmæli til Brynju!!!!!

Heja Norge..............

2005-08-15T18:36:00.000Z

Jæja nú er sko komið smá babb í bátinn. Haldiði að Ólöf vinkona sé ekki bara næstum því búin að redda manni vinnu út í Noregi og eftir 2 mánuði. Ég veit ekkert hvað ég á að gera. Ég var búin að skrá mig í 4 fög í fjarnám, skráði mig líka í söngnám hjá tónlistarskólanum, ætla að fara að kaupa hnakk og demba mér út í hestamennskuna, kaupa mér nýtt rúm. Allt of mikið plan...
Annars er fyrirhuguð smá roadtrip hjá okkur Hjöddunni, ætlum að bruna á Akranes og hitta M og litla strákinn hennar. Hún átti í dag og var drengurinn 51 cm og 14 merkur.
Svo ætlum við Eydís suður seinustu helgina í Ágúst að djamma. Hverjir koma með???

Kvennareiðin....

2005-08-11T20:25:00.000Z

..er núna á laugardaginn og ég fer. En glætan að ég sé að fara að borga 2000 kall fyrir kjöt og kjötsúpu sem ég ætla ekki einu sinni að borða. Kannski maður ætti bara frekar að ríða yfir fjall með Sirrý????? En það er stemningin, að sjá hinar drekka.
Svo veit maður ekki alveg hvort stefnan sé tekin á ball?? Er nefnilega í smá átaki núna, megrun sko, og ætlaði þar af leiðandi að vera edrú um helgina, þar sem að bjór inniheldur svo gígantískt mikið af kaloríum. Eða eins og M segir Karolínum!!! Eeeeeen þegar nær dregur helginni og fiðringurinn að laumast í mann þá skyndilega man ég að það er til ein tegund af bjór sem kallast Lite. Sem er í raun megrunarbjór. Þannig að ég hef komist að þeirri niðurstöðu að ef ég fer á ball þá dansa ég mjög mikið =líkamsrækt, og drekk megrunarbjórinn =vatnslosandi drykkur svipaður og herbate, og verð fyrir vikið orðin þvengmjó á mánudaginn. Það er í raun óumflýjanlegt að fara á þetta ball ef ég hugsa út í heilsuna.
Svo gæti maður líka hitt einhverja skemmtilega.....
Já svo var að bætast við nýr bloggari, Hulda Signý. Það hljóta að koma krassandi sögur þaðan, um leið og hún lagar bloggið sitt!!

Jammm.... :)

2005-08-03T10:18:00.000Z

Jæja söng á Mellow og var eins og spýtukarl. Var svo stressuð að ég gat ekki hreyft mig. Mér var svo gjörsamlega hent beint út í djúpu laugina, hafði aldrei áður sungið í míkrófón og við gerðum ekkert soundtest. Og ég held að við höfum náð 3 æfingum. Mér fannst þetta frekar glatað en æfingin skapar meistarann.
Skellti mér svo í sumarbústað á Blönduósi um helgina. Aldrei datt mér í hug að ég ætti eftir að eyða verslunarmannahelginni þar. En það var mjög gaman. Sauna, singstar og heitur pottur, algjört æði. Ég meira að segja söng í singstar (var að vísu orðin kennd). Eeeeen frábært í alla staði!!! :)

Unglist!!

2005-07-20T12:19:00.000Z

Unglist stendur yfir þessa dagana. Og ég missi af stompinu á föstudaginn, því miður, langaði rosalega á það. Svo er mín að fara að syngja á Mellow Musica, verður örugglega ekkert rosalega fallegt eeen.... Svo sýni ég líka einn kjól fyrir Hjördísi Báru. Fullt að gerast og er svo að vinna alla helgina í þokkabót. Ég held bara að ég hafi sjaldan verið jafn upptekin. Núna er ég einmitt á leiðinni í litun og sonna.
Hvernig var það ætluðum við ekki að grilla, tjalda, syngja, spila og drekka uppi í hvammi einhvern tímann???? Verðum að finna góðan dag í Ágúst!!!
Sjáumst á Unglist!!!

Alveg ad koma heim...

2005-06-27T19:45:00.000Z

Já eftir minna en 2 sólarhringa tá verd ég komin heim. Hlakkar rosalega mikid til, ordin hálf treytt á tessum stad. Alltaf tad sama í búdunum og tad faest hvorki saltlakkrís né sterkir molar hérna, glatad pleis.
Núna er ég ansi brunnin ég fór í siglingu í dag, sigldum ad einhverri eyju. Voda gaman, smakkadi í fyrsta skipti grilladan kjúkling (teir voru bara med grill um bord í bátnum) og aldrei hef ég smakkad jafn gódan kjúkling.
Svo kíktum vid skutlurnar á djammid á laugardaginn. Byrjudum á tví ad fara á strondina og tar eru sko klúbbarnir. Tar kom einhver ofsa saetur strákur og spurdi hvort vid vildum frí skot inni á einhverjum bar. Og audvitad fórum vid inn, svona saetur strákur, jessús hann minnti á Luke Perry, bara yngri og saetari. Endudum sídan bara í bretahverfinu á voda skemmtilegum stad. Fengum allt of mikla athygli fyrir minn smekk. Vorum bara í tví ad skipta um stadi á dansgólfinu.
Tad er kannski bara ágaett ad vera hérna.....

Hola!!!

2005-06-18T20:00:00.000Z

Já gott fólk á Spáni er gott ad djamma og djúsa. Sit á internetstofu og klukkan er 10 ad spaenskum tíma, sem sagt 8 hjá ykkur. Laugardagskvold, og engir íslenskir stafir á tessu lyklabordi. Er byrjud ad taka lit og búin ad kaupa fullt af ótarfa drasli. Mjog gaman.
Á leidinni á djammid, chao!!!

Eftir 20 klukkutíma....

2005-06-14T17:06:00.000Z

verð ég um það bil að stíga um borð í vélina sem mun flytja mig og miss Unni til Benidorm. Guðmundur Helgason er búinn að lýsa fyrir mér leifsstöð, hann segir að hún sé eins og himnaríki og ég get ekki beðið eftir að komast þangað.
Annars þá skellti ég mér á fótboltaæfingu í gær, mjög gaman. Hefði reyndar kannski betur sleppt því þar sem ég er að fara út. Fékk nefnilega cirka 5 marbletti eftir æfinguna. Svo var ég og Unnur að spá í að fara á hestbak í dag en við hættum við. Með okkar heppni þá ættum við á hættu á að fótbrotna. Þannig að það verða engar líkamsæfingar eða eitthvað álíka fyrr en við heimkomu!!!

Eeeenn sjáumst þá bara í enda júní(",)

Í dag...

2005-05-25T14:43:00.000Z

eru akkúrat 3 vikur þangað til að ég og Miss Unnur fljúgum út í sólina. Það er ekki laust við að það sé smá stress í manni. Ég vona bara að það reyni enginn að ræna okkur eða peningunum okkar. Þetta verður örugglega allt í lagi. Annars er eiginlega ekkert að frétta, ég og sambýliskona mín ætlum að slaka aðeins á í drykkjunni núna og vera edrú um helgina. Við erum komnar með þann slæma vana að fara alltaf í einhver drykkjuspil sem enda nú yfirleitt ekki vel. Og svo þegar komið er á barinn og allir búnir að vera í drykkjuspili þá er farið í skotin. Og þau eru nú ekki til að bæta ástandið skal ég segja ykkur.......

Skólinn er..

2005-05-11T19:20:00.000Z

..búinn sem þýðir að ég hef endalausan tíma. Reyni að nýta hann með gönguferðum og sonna. Er svo mikil íþróttafrík......... En það er ekkert nóg að fara bara út að labba, ekki nenni ég að labba allan liðlangan daginn.
En nú er Hjödda komin heim aftur og er hún búin að lofa mörgum stórveislum í sumar. Þar sem hún fékk hæstu einkunn í matreiðslu og auðvitað verður hún að nýta þessa hæfileika. Mikið væri nú sniðugt ef að við öll myndum hittast upp í hvammi einhvern tímann í sumar og grilla öll saman og vera með gítar og jafnvel tjalda....
Hmmmmmm....

Ég er hætt...

2005-05-07T16:40:00.000Z

...í norðan heiða, þar sem það er búið að leggja það niður og sonna. Og eins yndislegt og þetta blessaða kaupfélag er þá vildi ég ekki vinna áfram hjá þeim. Er bara byrjuð full time í söluskálanum, það verður örugglega í lagi.
Annars þá styttist óðum í Spánarferðina, núna verður ekkert annað en vinna vinna vinna.!
Hef ekkert annað fram að færa annað en bless.

....................

2005-04-13T17:22:00.000Z

Ég er ekki lélegur bloggari, ég bara nenni ekki alltaf að blogga. Um hvað á maður svosum að skrifa. Þið vitið að ég er að fara til Spánar. Eitt skemmtilegt með það. Ég fékk kvittun í síðustu viku fyrir ferðinni og þar stóð ms. Sveinbjörg Rut Pétursdóttir og ms. Unnur Sigrún Jónsdóttir. Þið sem vitið ekki fyrir hvað ms. stendur þá er það miss!!! Það veit ég af því að ég er komin með svo fabulous english vocabulary....

Annars fannst mér mjög gaman á söngvakeppninni, margir mjög góðir. Ekki skemmtilegt fyrir Ingunni. Fyrsta skipti sem hún tekur þátt í keppninni og strax búið að útiloka hana frá næstu keppni.

Jæja auf Wiedersein....

Eða eitthvað, er ekki með fabulous german vocabulary!!!

Akureyri frh.!

2005-03-24T01:53:00.000Z

Jú jú það var voða gaman á Akureyri ef undanskildir eru ýmsir árekstrar og höfuðáverkar. Alltaf gaman að fara í partý til stelpnanna. Hefði örugglega verið miklu skemmtilegra ef að fo****** singstar dæmið hefði virkað almennilega. Svo fórum við bara á Kaffi Akureyri. Bermúda var að spila, ofsa góð! Svo lenti maður náttúrulega í ýmsu sem er kannski ekki blogghæft, þó að maður hafi ekkert gert af sér!

Akureyri!!

2005-03-19T17:38:00.000Z

Jæja, í kvöld verður djamm á Akureyri. Katrín skvís á afmæli og er orðin hundgömul. Þetta verður bara gaman.
Það styttist óðum í Spánarferðina......

SPÁNN!!!!

2005-03-01T16:22:00.000Z

Ég er að fara til Spánar eftir 105 daga.
nananananana!!!!!!

Þið misstuð af miklu

2005-02-26T18:57:00.000Z

þið sem ekki tímduð að borga ykkur inn á Þinghúsið í gær. Af því að ÉG söng í míkrófón, hef aldrei sungið fyrir framan svona marga áður og geri það örugglega aldrei aftur. Mundi vill nú samt meina að ég hefði getað sungið hærra í fóninn en ég vildi ekkert að það heyrðist of mikið í mér. En mjög gaman, fór líka í pottinn áður með Hjöddu og Brynju, voða afslappandi.
En já þetta var allt saman mjög gaman, og ánægð var ég með úrslitin í Idolinu í gær. Næst fer Heiða....

blog.central.is!!!!

2005-02-10T15:31:00.000Z

Viljiði vinsamlegast hætta með þessar drasl síður! Maður þarf að bíða í hálftíma þangað til að síðan kemur loksins upp. Ekki er blogspot.com svona lengi neeeiiiii!

Akureyrarferðin!!!

2005-02-03T22:20:00.000Z

Hún byrjaði bara ágætlega. Lagði af stað um hádegið til að forðast storminn sem átti að vera á leiðinni á Norðurlandi. Spáin hljóðaði upp á 40 metra á sekúndu. Það var ekki fyrr en ég kom fram hjá afleggjaranum að Dalvík að það varð hvasst! Og Það var bara hvasst bara alla helgina á Akureyri!! En já ég náði í Unnu og hentumst við í búðarráp. Það gekk bara sérdeilis prýðilega vel. Keypti mér kápu, hálsmen, blómateygju og GEÐVEIKA skó. Eyddi alveg ágætis pening. Eftir allt erfiðið var splæst í DOMINOS pizzu og brauðstangir, það vantar annars einn dominos stað hérna. Svo skelltum við skvísurnar okkur á djammið á kaffi akureyri. Það var alveg ágætt, kannski bara aðeins of margir þar inni. Það kom líka greinilega í ljós að ég þekki ekki marga á Akureyri. Ég sá einn sem ég kannaðist við og ég hreinlega ofsótti manninn af því að ég hefði séð hann einhvers staðar áður! Og enn annan kallaði ég nánast hóru, sagði að ég vissi alveg hvernig hann væri. Sem ég geri greinilega ekki og því baðst ég afsökunar á því.
Mikil þynnka á laugardeginum!! En samt sem áður var farið á lappir um 5 leytið og farið að gera sig reddí fyrir Sálarballið í Sjallanum. Ég og Unna fórum til Katrínar, Unu og Hrönnsu og þar voru margarítur og læti. Helltum í okkur og hlupum svo í sjallann. Þar fór gleðin mjög vel fram. Og er svo sem ekki í frásögur færandi fyrir utan það að ég sé þennan guðdómlega mann, aldrei séð eins sætan mann. Þetta var sko þegar ballið var búið og allir að ná í yfirhafnir sínar. Og guðdómlegi maðurinn fer síðan að tala við mig. Já já allt í lagi, partý jú ég vissi um partý og hann ætlaði kannski með. Jæja náði í jakkann minn og fer út. Er varla stigin út af sjallanum þá dett ég og í fínu kápunni minni og GEÐVEIKU skónum mínum. Þannig að ég ákvað bara að forða mér með Unni í partýið og að vera ekkert að tala við guðdómlega manninn.
Og næst eru það Egilstaðir!!!!

Megrunarpillurnar....

2005-01-22T15:50:00.000Z

eru ÓGEÐSLEGA VONDAR á bragðið. Það er vont en það venst eins og einhver sagði. Ef að þær virka ekki þá er eins gott að púlið með Hafdísi geri það. Já Hafdís, koma svo.
Annars þá er skólinn byrjaður aftur og nota bene niðurstöður úr prófunum fyrir haustönnina verða EKKI birtar hér. Sjáum til hvort að niðurstöður úr næstu prófum verða birt?
Ég fór á sleðann (snjósleðann sko) í dag og djöfull er þetta gaman. Ég þarf endilega að kaupa mér einn eða tvo. Ég kaupi þá bara þegar ég verð búin að vinna í lottóinu 29. janúar.

Hafði eiginlega ekkert að segja, hefði nú samt getað sagt frá vinnunni í sjoppunni í gær en ég nenni því ekki núna. Spurning um að fara bara aftur á sleðann!!!

Megrun!

2005-01-11T20:50:00.000Z

Já, ég ætlaði nú aldeilis að sparka í rassinn á sjálfri mér og fara út að labba. Jú byrjaði á að fara í byggingarvörudeildina og kaupa mér eyrnatól( eða eitthvað). Gerði mig svo tilbúna og arkaði af stað í átt að Vatnsnesinu. Ætlaði sko bara að fara merkurhringinn eða í mesta lagi upp í Helguhvamm. Þetta byrjaði nú ágætlega var í góðum fíling með diskóið í eyrunum og á fullu að brenna. En þegar ég kom fyrir ofan afleggjarann af Mörk þá var ég ekkert viss um að ég kæmist lengra, var meira að segja að hugsa um að snúa bara við. En nei ég gat ekki látið fólk halda að ég væri einhver aumingi og ætlaði að klára hringinn. Þannig að ég óð skaflana þarna upp frá og ennþá gekk allt vel. Það er ekki fyrr en ég kem að beygjunni niður á Hvammstanga ( ég var sem sagt alveg að verða búin með þetta labb) að ég bara dett á hnéð. Var ekki lengi að standa upp ef ske kynni að eitthvað fólk væri nálægt. En ég vil taka það fram að það var hálka og frekar mikill vindur, alla vega labbaði ég á ská. Þannig að hér með er ég hætt við að fara í þessa megrunargöngutúra þangað til í vor, þetta er stórhættulegt og hreinlega borgar sig ekki. Í staðinn ætla ég bara að éta megrunarpillurnar mínar og verða mjó á aðeins 3 vikum. Hljómar ekki mjög trúanlega en allt annað en göngutúrar í snjónum!

Gleðilegt nýtt ár!

2004-12-31T15:31:00.000Z

Jæja nú er árið að verða búið. Leiðinda veður sem ætlar að verða, það er vonandi að það rætist úr því þegar að líður á kvöldið.
En það ætla allir á ball, er það ekki?!

Jæja, Ég vil óska ykkur öllum gleðilegs nýs árs og farsældar á nýju ári!
Og skál í botn!!!

Jólin!

2004-12-24T01:55:00.000Z

Jú, þau eru víst á næsta leyti, eftir örfáa klukkutíma....
Sem betur fer er ég búin að öllu. Samt held ég að klukkan 14:15 þá á ég eftir að muna eftir að minnsta kosti 14 hlutum sem ég gleymdi að gera eða kaupa, bara af því að þá verður búið að loka öllu!
Þetta er búið að vera mjög afslappandi kvöld, horfði á Spiderman 2. Af hverju eru ekki til svona ofurhetjur á Íslandi, þarf allt að vera í útlöndum. Það er ekki eins og ég sé þar á hverju ári!! Vantar eina svona hetju hérna. Fékk mér bjór yfir myndinni, og núna eftir einungis 2 öllara þá er eins og ég hafi drukkið kippu, sökum þess að ég er búin að vera vakandi frá því klukkan 06:25, góðan daginn. Það eru ekki allir sem geta vaknað á þeim óguðlega tíma.
Jólagjafirnar maður, held ég hafi aldrei eytt eins miklum pening í jólagjafir áður. Og ég skal segja ykkur það að í mínu tilviki þá borgar það sig ekki að kaupa jólagjafirnar í Október. Nei það er ekki þannig að þá á ég rosa mikinn pening núna. Nei ég kaupi þá bara eitthvað meira til að gefa manneskjunni. Ég vildi að allir væru eins og ég og mundu kaupa mikið mikið í jólagjöf handa mér.
En ætli að það sé ekki ráð að fara að henda sér í bólið.
Ta ta.....

Próflok!

2004-12-08T18:35:00.000Z

Já, prófin eru búin og núna byrjar jólaundirbúningurinn á fullu. Nema hvað að ég komst ekki í vinnu í dag vegna veikinda. Er orðin ansi þreytt á þessum helv..... veikindum. En kláraði þá að gera jólakortin í dag. Svo þarf maður nefnilega að fara að þrífa gluggana á bænum....
Sjáum til hvenær ég nenni því!!

Próf!!!

2004-12-01T22:48:00.000Z

Fyrsta prófið var í dag. Ég las aðeins í enskunni í dag og í gær. Jú mætti svo í prófið, settist niður og tók upp blýantinn, ætlaði svo að fara byrja. Stóð þá ekki bara ÍSL 202 á prófinu. Ég fríkaði út, ég var ekkert búin að læra í íslensku. Þá var ég með vitlausa daga fyrir öll prófin nema eitt. En Gunni Sveins reddaði þessu fyrir mig þannig að ég gat tekið enskuprófið. Ég held samt að ég hafi ekkert staðið mig neitt rosalega vel á því. Hefði átt að læra meira. En legg mig meira fram við að læra fyrir hin prófin. Íslenskupróf, hír æ kom!!!

Hestafólk....

2004-11-20T23:11:00.000Z

Í kvöld er truntumannauppskeruhátíð á Hvammstanga. Og ég fer ekki, enda er ég ekki það mikil truntumanneskja. Er reyndar að spá í að kíkja á dansiballið eftir matinn og skemmtiatriðin með henni M. Eins og við vitum öll að þá er M svoddan rokkari að þetta getur bara ekki annað en orðið gaman......
Sigrún og co fóru suður yfir helgina og haldiði að faðir vor hafi ekki bara gripið tækifærið og haldið næstum því partý. Frá 18.00 til cirka 20.00. Það var alla vega blússandi tónlist á heimilinu. Fúsbet kom með geisladisk með ýmsum lögum eins og Lambada, I just called to say I love you og öðrum góðum lögum. Nema hvað þau voru öll spiluð á harmonikku og enginn söngur... Alveg ágætt kannski en ég myndi ekki eyða pening í þetta.
Annars þá eyddi ég klukkutíma áðan í að slétta á mér hárið. Vissuð þið að ég er með frekar mikið og þykkt hár, jessúss og gosss. Þegar að liðið var farið út þá setti ég disk að mínu vali í spilarann. Það var Superhits of the 90´s, þrusugóður diskur með lögum frá Take That og öðrum skemmtilegum, jamm jamm voða fjör á minni.
Jæja ætli maður fari ekki bara að shjæna sig......!

Nýja vinnan...

2004-11-16T15:30:00.000Z

Jú hún er mikið betri en Meleyri. Voða fínt að vera búin alltaf klukkan þrjú á daginn. Annars voða lítið að frétta, fór í afmæli um seinustu helgi til Eydísar og Sæu, eins og svo margir aðrir Hvammstangabúar. Og er ég mjög fegin að hafa ekki drukkið bolluna því mjög margir urðu mjöööööööög drukknir, nefni engin nöfn.

Svaf vel út á laugardeginum, fór ekki á fætur fyrr en 4. Svo var dagurinn bara tekinn rólega. Kíkti svo á Sundleikana um kvöldið, það var alveg sérdeilis prýðileg skemmtun. Svo brunuðum við skvísur (ég, Ingunn og Eydís) heim til Ingunnar Rikk og opnuðum öllara. Eydís var reyndar með afganga af bollunni, þar sem hún þurfti að klára síðustu 12 lítrana ellegar lægi það fyrir skemmdum. Kíkti svo á barinn, var bara á gestalista og allt (held reyndar að listinn hafi ekki verið langur). Jú jú þetta var allt saman bara ágætt.

Svo er bara að bíða eftir að blessuð prófin byrji........

Skrall...

2004-11-01T17:43:00.000Z

Ég er hætt í Meleyri. Ætli ég eigi samt ekki eftir að fara þangað einhvern tímann aftur. En í staðinn þá er ég að byrja í Norðan Heiða á miðvikudaginn, það verður örugglega gaman. Maður á alltaf að vera með jákvætt hugarfar.
Fór á Þinghús síðastliðinn föstudag, endaði það kvöld með partýi í einu heimahúsi á Hlíðarveginum. Hef ekki hugmynd um hvað klukkan var þegar ég kom heim, en ég man eftir að hafa labbað heim. Ég mundi um leið og ég vaknaði af hverju ég fer aldrei í eftir partý. Ég verð svo svakalega þunn daginn eftir ef ég fer ekki heim strax eftir barinn. Þvílíkar kvalir, langt síðan ég hef upplifað aðra eins þynnku.
Svo er víst slúttið í sláturhúsinu um næstu helgi, þá býst maður við að Unnur sé á leiðinni á staðinn.

Hvammstangi er málið!!

2004-10-09T18:55:00.000Z

Já einmitt, Hvammstangi er THE PLACE í dag! Ég skellti mér nefnilega á Þinghúsið um daginn á fimmtudagskveldi. Þar var dúettinn Haldapokarnir að spila, ótrúlega góðir þó að nafnið gefi annað í skyn. Jæja ég keypti mér einn öllara og þar sem ég sit og sötra hver haldiði að hafi labbað fram hjá. Jú það var enginn annar en Páll Rósinkrans. Þar sat hann síðan að sumbli með tveimur kennurum hér við grunnskólann. Þar sem að grunnskólakennarar eru í verkfalli þá geta þeir drukkið á fimmtudagskvöldi. Þannig að þarna hafiði það, Hvammstangi is the place to be.
Ta ta....

I'm alive!!!

2004-09-30T21:26:00.000Z

Þótt ótrúlegt megi virðast þá er ég enn á lífi. Eða að minnsta kosti við lífsmark. Ég þarf alltaf að skrifa niður í sérstaka bók hluti sem ég þarf að gera yfir daginn og kemst ég oft ekki yfir það allt. Og í gær þá setti ég meira að segja niður á blað: Skipta um á rúminu. Þar fyrir utan þá hef ég svo rosalega mikið að gera, bæði í lærdómnum og vinnunum, en ég þarf að setja það niður á blað svo ég geri það fljótlega. Reyndar gæti ég verið að gera það núna en ég verð líka að sinna ykkur aðdáendum mínum. Svo þykist ég ætla að fara að mála herbergið mitt. Ég verð heppin ef ég hef tíma eftir áramót.
Strákurinn þeirra Hannesar og Þorbjargar er rosssalega sætur, alveg eins og ég. Með eins dökkt hár og allt.
Jæja núna ætla ég að leyfa mér að fara aðeins í fótabað. Ta ta....

Bubbi byggir og fleira...

2004-09-21T21:27:00.000Z

Haldiði að ég sé ekki komin með ógeð af Bubba byggi og stubbunum. Hann systursonur minn gerir ekki annað þegar hann er heima en að horfa á þetta ömurlega leiðinlega barnaefni. Svo finnst mér soldið fyndið hvað pabbi notar á hann svo að hann hlýði, hann hótar að fara. En hvað haldiði, þá hlýðir hann.
En annars þá er skólinn í fullum gangi, ég er alltaf söm við mig, alltaf á síðustu stundu með að gera verkefnin og skila þeim. Er að fá samt alveg ágætar einkunnir fyrir verkefnin.
Ég fór nú í Þverár-rétt um daginn, var komin þegar féð var að koma niður og farin áður en að byrjað var að rétta. Það tók nefnilega frekar langan tíma að byrja og ég hafði bara hreinlega ekki þolinmæði í að bíða eftir því. Svo um næstu helgi þá eru stóðréttir, þangað ætla ég og skoða gæðingana.
Ég var nú að hugsa um að fara að horfa á eina mynd á video núna svona áður en ég fer að sofa, en ég get það ekki því Daníel er að horfa á Bubba byggi, enn einu sinni.

Eitt stórmerkilegt gerðist í dag, Hannes bróðir og Bobba eignuðust son. Var hann 50 cm á lengd og 14 merkur. Til hamingju!!!!!

Skólinn.........

2004-09-04T01:04:00.000Z

Já, skólinn er byrjaður og ég finn sko fyrir því hvað það er langt síðan að ég var í skóla. Jessúss og goss..... Hitti einn 17 ára pilt í dag sem er í sama fagi og ég í VERSLÓ og ég er 6 árum eldri en hann. Ég er farin að hallast að því að ég sé sorglegust, en annars ég hef ekki tíma fyrir þetta núna. Þarf að "reyna" að læra.
C´ya....

Skóli!!

2004-08-22T00:58:00.000Z

Já góðir hálsar, ég er að fara að hefja nám í fjarkennslu frá VMA. Ég fékk svar í dag að ég fengi inngöngu í mínar 10 einingar, mér finnst ég frekar heppin þar sem 100 aðrir eru á biðlista um að komast í fjarnám. Ég er sem sagt að fara í Íslensku 202, Ensku 303, Stærðfræði 202 og Bókfærslu 103. Þarf ég að borga "litlar" 49.650 krónur fyrir það. En reyndar, ef ég næ öllu (sem ég ætla að gera) þá fæ ég 45.000 krónur endurgreiddar. Sem er bara gott mál.
Annars þá er voða lítið að gerast þessa dagana bara vinna í Meleyri, sjoppunni og Þinghúsinu. Held reyndar að það sé alveg nóg. Er farin að verða það þreytt að ég er farin að sofa yfir mig þegar ég á að vera að vinna í Meleyri. Spurning hvort maður þurfi aðeins að læra að segja nei við vinnu....
Þetta kemur allt með kalda vatninu..................

Eymsli..

2004-08-15T14:57:00.000Z

Já kvennareiðin var í gær og dagurinn í dag einkennist mikið af strengjum gjörsamlega alls staðar í líkamanum. Rassinn er til dæmis frekar sár. Svo var svo æðislegt veður að ég brann aðeins í sólinni en samt eiginlega bara vinstra megin. Oooog ég er með feita blöðru á neðri vörinni einnig vegna sólbruna. Og svo ofan á allt þetta þá haltra ég. Og ég skal segja ykkur út af hverju ég haltra.... Ég fór á föstudagskvöldið á rúntinn með Eydísi og Huldu, við fengum okkur smá bjór og sonna og svo fór ég bara heim. Ákvað samt að fá mér smá að éta þegar heim var komið. Jæja þegar ég hafði lokið við að snæða þá slekk ég ljósin og þá var þ.a.l. myrkur í öllu húsinu. Ég er varla lögð af stað úr eldhúsinu þá stíg ég á eitthvað sem ég veit ekki hvað var. Þannig að núna er ég bólgin með marblett á miðri ilinni. Ekki gott skal ég segja ykkur.
En annars þá komst ég alla leiðina í kvennareiðinni án þess að detta af baki, jibbý. Fór síðan að passa aðeins þessa yndislegu stráka sem Helga og Palli eiga. Og eftir það fór ég að vinna á barnum. Það var ekkert að gera, sem sagt bara fínt.
Jæja bless í bili...

Paradise City!

Nýtt blogg!

Sjæsa......

sjit*+##%*#

Jæja, jæja...

Haustfagnaðurinn..

ÚFF!

BALL...

ÉG......

Nýnemakvöldið

Varmaland 14

Tataraaaaa!

Menningarnótt....

Kvennareið 2006

Ó þú.......

Unglist!!!

Fótbolti!!!

Gleðitímar!

Helgin..

Sumarbústaður...

Ooooohhhhhh..........

Einhvern tímann..

Tónleikar!!!!

Vellí smellí...

Sumarfílingur...

AF HVERJU..

Jæja

Jæja, bara 1 skóladagur í veeðbót.

Bara 4 dagar í viðbót..

Ísland, best í heimi.

Föstudagskveld í Reykjavíkcity.

Hvar..

Páskafrí..

Söngvarakeppnin

Dans, dans, dans..

Brúðkaup..

Söngvarakeppnin

Ég hef oft

Jii, hvað það...

Klukk!!

Cómo estás?

Aldur....

Úffff....

Gellufundur!!!

Hola, buenas dias.

Reykjavíkin..

Gleði gleði!!!

Ég vissi það alltaf...

Ég er fórnarlamb...

Jæja Jón.....

Jú, sæl veriði!!

Speki dagsins!

Ég er ekki að nenna þessu...

Jólin....

Ég held..

Hasar!

Ég er...

Tónlistarsaga..

Reykjavíkurferðin..

Hollusta og hreyfing!

Klukk hvað.....

Lítið...

Púlsmælirinn..

Jessúss!

Tútturnar!!!

Geydís!!

Starfsmannadjammið...

Ingunn Rikk.

Jessúss og goss...

Heja Norge..............

Kvennareiðin....

Jammm.... :)

Unglist!!

Alveg ad koma heim...

Hola!!!

Eftir 20 klukkutíma....

Í dag...

Skólinn er..

Ég er hætt...

....................

sjit+##%#